Noyabr ayinda imb-da qiymətlər sabit olaraq qalib

Noyabr ayında İlkin Mənzil Bazarında (İMB) sabitlik müşahidə edilmişdir. Qiymətlərlə yanaşı bazarın dinamikasındada dəyişiklik müşahidə edilməmişdir. Mütəxəssislərin hesablamalarına görə hal hazırda bazarda orta qiymət indeksi ötən ayda olduğu kimi 1 kv.metr üçün təxminən  820,3 manat civarında qərarlaşıb. Yanvar ayı ilə müqayisədə qiymət dəyişməsi 5,4%, ötən ilin cari ayına nisbətdə isə 4,1% azalma kimi qeydə alınıb. 2008-ci ilin sentyabr ayı (böhran dövrü) ilə müqayisədə isə qiymət azalması 32,8% təşkil edib. Qeyd edək ki, həmin dövr üçün 1 kv.metr mənzilin qiyməti 1194 manat olub. Ay ərzində ən cəlb edici rayonlar ötən ay olduğu kimi Yasamal, Xəyai və Nəsimi rayonları оlmuşdur. Qeyd olunan rayonlar üzrə orta qiymət indeksi 1 kv/m üçün 500-700 manat arası dəyişir. Son bir ayda İMB-da daha çöx normal istilik sistemi olan, əsasəndə qazı olan mənzillərə təlabat artıb.  Bаkı şəhəri üzrə ilkin mənzil bаzаrında аrаşdırılmаyа məruz qаlаn iri çoxmənzilli yaşayış binаlаrın sаyında heç bir dəyişiklik baş verməyib, aktivlik aşağı olduğundan satışdan çıxan bina qeydə alınmayıb. Beləliklə siyahı üzrə satışda olan yeni tikililərin sayı ötən aydakı kimi 420 ədəd olaraq qalıb. 

Ekspertlər İlkin Mənzil Bazarında (İMB) qiymətlərin hələdə normadan baha olduğunu vurğulayırlar. Qiymətlərin baha olması, bazarın bu seqmentinin əlverişli kreditləşməyə uyğun olmaması, bir sıra yeni tikililərdə istilik probleminin mövcudluğu İMB-nın aktivləşməsinə mane olan ciddi səbəblər hesab olunur. Yaxın günlərdə İMB-da sabitliyin davam edəcəyi proqnozlaşdırılır.