Parlamentin keçmiş deputatı Gülər Əhmədova deputat mandatının ardınca hakim Yeni Azərbaycan Partiyasının partiya biletindən də məhrum edilib. G.Əhmədovanın YAP sıralarından xaric edilməsi barədə qərar onun dərs dediyi Bakı Dövlət Universitetinin YAP ilkin rayon təşkilatı tərəfindən qəbul edilib. YAP mətbuat xidməti bu məlumatı təsdiqləyib.
G.Əhmədova Azərbaycan CM-in 178.3.2-ci maddəsi (etibardan sui-istifadə etməklə başqasının iri məbləğdə əmlakını mənimsəmə) üzrə cinayət işində əsas fuqurdur. Cinayət işi sentyabrın sonunda onun Azərbaycan Beynəlxalq Universitetinin keçmiş rektoru Elşad Abdullayevlə söhbəti İnternetdə yayımlandıqdan sonra Bakı prorurorluğu tərəfindən qaldırılıb.
Onlar 2005-ci il parlament seçkilərində E.Abdullaeyin deputat seçilməsi üçün rüşvətin məbləğini müzakirə ediblər. E.Abdullayev bildirib ki, G.Əhmədovaya 1 mln. dollar verib və bu pullar Ramiz Mehdiyev üçün nəzərdə tutulub.
Videogörüntülər yayımlandıqdan sonra YAP sədrinin müavini Əli Əhmədov partiya adından G.Əhmədovanı kəskin tənqid edərək bildirib ki, o, artıq parlamentdə YAP-ı təmsil edə bilməz. Bundan sonra G.Əhmədova deputat mandatından imtina ilə bağlı ərizə yazıb və bunu “istintaqa yardım etmək” istəyilə əsaslandırıb.
Lakin partiyada yerini saxlayıb. Bundan əlavə, ayrı-ayrı YAP xadimlərinin G.Əhmədovanı tənqidləri ilə bağlı onları ifşa edəcəyinə işarə edərək “ağzını açacağı” ilə hədələyib. Bundan sonra YAP G.Əhmədovanı rahat buraxıb. Sonradan cəza təhlükəsinin yan ötüşdüyünü hiss edən G.Əhmədova publika qarşısında görünməyə başlayıb, hətta keçmiş köməkçisinin kitabının təqdimatında iştirak edib.
Hazırda G.Əhmədovanın YAP-dan xaric edilməsi barədə qərara ötən gün E.Abdullayevin yayımladığı növbəti video səbəb olub. Belə ki, həmin videoda G.Əhmədova özü yoxdur. Lakin onun rəfiqəsi Sevinc Babayeva bildirir ki, onlar G.Əhmədova ilə birlikdə pulu Ramiz Mehdiyevə çatdırıblar.
Ümumilikdə, bu video birinci kimi rezonans doğurmayıb, demək olar ki, onu təkrarlayıb. G.Əhmədovanın rəfiqəsi R.Mehdiyevi “simic” adlandırmaqla onun xəsislik etdiyini, “pul mükafatı” vermədiyini nəzərdə tutub. Ola bilsin ki, bu, R.Mehdiyevin xətrinə dəyib və bunun ardınca G.Əhmədova “partiya cəzası” alıb. –06D--
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz