Oğuz rayonu sahibkarlarının kreditləşməsinin prioritet sahələri müəyyən edilib.
Sahibkarlara Kömək Milli Fondunun (SKMF) məlumatına görə, ən məqbul layihələr ixtisaslaşmış “yaşıl mağazalar”, süd istehsalı üzrə ailə fermer təsərrüfatları (50 baş mal-qaraya qədər) hesab olunur. Bundan əlavə, yerli şəraitdə tərəvəzçilik, taxıl təsərrüfatları, üzümçülük, arıçılıq, həmçinin pendir, quru meyvə və şirniyyat üzrə tələbatlara baxıla bilər.
Bu cür layihələrin müəllifləri fondun dəstəyinə arxalana bilər və müvafiq məsləhətlər ala bilər. Bundan əlavə, layihənin dəyərinim 100%-dək həcmində kredit verilə bilər. İqtisadiyyat və Sənaye Nazirliyinin saytındakı məlumatda bildirilir.
SKMF 1992-ci ildə təsis edilib. Qurum müvəkkil agentlərin – 50 bank və qeyri-bank kredit təşkilatının vasitəsilə kredit verir.
Ötən il SKMF-nin xəttilə 295 mln. manat həcmində kredit verilib. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz