Əmlak Məsələləri Dövlət Komitəsi “Oğuz şərab” ASC-nin səhmlərinin 98,4%-i investisiya müsabiqəsinə çıxarıb. Bu SC-nin səhmləri 2005-ci ildə bir investora satılıb. Növbəti ildə SC onun mülkiyyətinə keçib.
ƏMDK Oğuz şərab zavodunun alqı-satqı müqaviləsinin pozulma səbəbini açıqlamır. Oğuz rayon İH-nin məlumatına görə, bu müəssisədə şərab məmulatı və süfrə suları istehsal edilir.
Müsabiqənin şərtlərinə əsasən, investorlardan zavodun müasirləşdirilməsi üzrə investisiya proqramı tələb olunur. İddiaçılar səhmlərə görə dövlət büdcəsinə ən azı 110 min manat ödəmək öhdəliyi götürməlidir. İnvestor 77,7 min manat əmək haqqı borcunu da ödəməlidir.
Oğuz şərab zavodu 1983-cü ildə istismara verilib. Müəssisədə 22 nəfər işləyir.
“Oğuz şərab” ASC-nin nizamnamə kapitalı 244 min manatdır. İnvestisiya müsabiqəsinə 120 min səhm çıxarılıb. 1 noyabr 2012-ci il üçün SC-nin öhdəlikləri 364,3 min manat, debitor borcu 42,1 min manatdır.
Azərbaycanda özəlləşdirmənin nəticələrinə yenidən baxılması praktikası var. İndiyəcən dövlət müxtəlif yollarla “Azərboru”, “Siyəzən Broyler”, “Azərkabel”, “Bakelektroavtomat”, “Xirdalan Ət” və s. səhmlərini sahiblərindən alıb. --08D—
İqtisadiyyat
-
2024-cü ilin sonunda Azərbaycanda inflyasiya 5.1, 2025-ci ildə 5.8 faiz proqnozlaşdırılır. Bu barədə Mərkəzi Bankın açıqlamasında bəhs edilir. Halbuki, altı ay öncə, (aprel) qurum inflyasiyanın 2024-cü ildə 3.5, 2025-ci ildə isə 4.2 faiz olacağını proqnozlaşdırmışdı.
-
Nazirlər Kabineti Dövlət Turizm Agentliyinin tabeliyində olan "Turizm və Rekreasiya Zonalarının İdarə Edilməsi və İnkişafı Mərkəzi" publik hüquqi şəxsin nizamnaməsini təsdiq edib. 4 noyabr tarixində qəbul edilmiş bu qərar, 2 avqust 2024-cü il tarixli prezident fərmanında göstərilən tələblərin yerinə yetirilməsini nəzərdə tutur.
-
Azərbaycanın Sumqayıt şəhərində içməli su istehsal edən yeni bir duzsuzlaşdırma zavodunun tikintisi planlaşdırılır. Bu layihə Bakı və Abşeron yarımadasında artan su tələbatını qarşılamağı hədəfləyir. Layihənin təqdimatı noyabrın 5-də zavodun tikintisi üzrə keçirilmiş tender üçün təkliflərin açılış mərasimində baş tutub. Bu barədə "Turan" agentliyi məlumat yayıb.
-
Heydər Əliyev Beynəlxalq Aeroportu Bakını 30-dan çox ölkədə 80-dən çox beynəlxalq istiqamətlə birləşdirir və Azərbaycan üçün mühüm tranzit qovşağı kimi rolunu gücləndirib. London, Paris və Roma kimi Avropanın böyük şəhərlərini, eləcə də Yaxın Şərq, Mərkəzi və Cənubi Asiyanın strateji nöqtələrini birləşdirən marşrutları ilə hava limanı Azərbaycanda turizmin və tranzitin genişlənməsinin mərkəzinə çevrilib.
Rəy yaz