Tbilisi/24.12.12/Turan-BS PRESS: Gürcüstanın baş naziri Bidzina İvanişvili Azərbaycana ölkəsinə aşağı qiymətlə təbii qaz ixrac etdiyi üçün təşəkkür edib.
“Fürsətdən istifadə edərək, qonşu və dost ölkə Azərbaycana Gürcüstana qazı yaxşı qiymətlərlə satdığı üçün təşəkkür edirəm. Biz qazı həqiqətən ucuz alırıq. Bu, bizim dostluq və ticari münasibətlərimizin nəticəsidir”, deyə İvanişvili bazar ertəsi, dekabrın 29-da keçirilən mətbuat konfransında bildirib.
Bununla yanaşı, baş nazir hökumətin əhali üçün təbii qaz tariflərini nəzərəçarpacaq dərəcədə azalda bilməyəcəyindən təəssüfünü bildirib.
“Bizim qazın qiymətini əhəmiyyətli dərəcədə azaltmaq üçün ehtiyatımız yoxdur, buna baxmayaraq, biz qazın qiymətini rəmzi olaraq azalda biləcəyik. Biz Azərbaycandan qazı yaxşı qiymətə alırıq, lakin bizim tarifləri indiyədək azalda bilməməyimizin müxtəlif mürəkkəb səbəblər var, indi biz onları araşdırırıq və tezliklə cəmiyyət üçün hər şey aydın olacaq”, deyə İvanişvili qeyd edib.
Gürcüstanda əhali üçün qaz tarifləri yaşayış yerindən asılı olaraq fərqlidir. Məsələn, Tbilisi sakinləri hər kubmetr qaz üçün 51 tetri (0,31 dollar) ödəyir. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz