Bu ilin oktyabrında Azərbaycanda rəsmi inflyasiya 0,7% təşkil edib.
Dövlət Statistika Komitəsinin məlumatına görə, ötən ay ərzaq məhsullarının qiyməti 1,5 faiz bahalaşıb, qeyri-ərzaq mallarının və əhaliyə göstərilən pullu xidmətlərin qiyməti sabit qalıb.
Oktyabrda ölkədə un, çörək, mal və qoyun əti, toyuq əti, təzə balıq və yumurtanın qiyməti bahalaşıb. Həmçinin bəzi meyvə (portağal, banan, armud, üzüm) və tərəvəzin (xiyar, pomidor, bibər, badımcan, çuğundur, kök, sarımsaq, kartof) qiyməti bahalaşıb.
DSK oktyabrda bəzi yeyinti məhsullarının (qarabaşaq yarması, kərə və bitki yağları, şəkər və şəkər tozu), həmçinin mövsüm meyvə (limon, naringi, alma, heyva, nar) və tərəvəzin ( kələm, soğan, göyərti) qiymətlərində ucuzlaşma qeydə alıb.
Bu ilin aprelindən avqusta kimi ölkədə deflyasiya müşahidə olunub. Sentyabrda rəsmi inflyasiya 0,6% təşkil edib. 08В
İqtisadiyyat
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
Rəy yaz