Ortamüddətli dövrdə özəlləşdirilməsi nəzərdə tutulan müəssisələrin siyahısı müəyyən edilib
Nazirlər Kabineti və Əmlak Məsələləri Dövlət Komitəsi ortamüddətli dövr üçün özəlləşdirilməsi nəzərdə tutulan müəssisələrin siyahısını müəyyən edib (https://goo.gl/Y6yQ9Y). Siyahıda 2859 müəssisə və obyekt var.
Hökumət mədəniyyət evlərini və klubları, kinoteatrları, bir çox xəstəxana və poliklinikanı, istirahət mərkəzlərini, mehmanxana, idman obyektləri, yardımçı təsərrüfatlar, həmçinin istehsalat müəssisələrini şəxsi əllərə verməyi planlaşdırır.
“Azəraluminium” ASC, “Azneftkimyamas” ASC, Gəncə avtomobil zavodu, Bakı vaqon təmiri zavodu, balıqçılıq müəssisələri, Bakı dəniz vağzalının binası, Bakı cıdır meydanı, Sumqayıt Mərkəsi Stadionu v. s özəlləşdirmə üçün nəzərdə tutulur.
51 müəssisə səhmləşdirilmə yolu ilə özəlləşdiriləcək. Qalan müəssisələr kiçik müəssisə kimi satılacaq. İnvestisiya müsabiqəsinə 63 müəssisə çıxarılacaq. Qış bulvarı və “Azadlıq” meydanındakı yeraltı avtodayanacaqlar idarəçiliyə veriləcək.08B
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz