Azərbaycan Mədən Sənayesində Şəffaflıq Təşəbbüsünün (MSŞT) qərarında nəzərdə tutulan islahedici tədbirləri yerinə yetirməsə ölkənin bu təşkilatda iştirakı dayandırılacaq.
Turan məlumat verir ki, bu barədə tanınmış iqtisadçı, mədən sənayesində şəffaflığın artırılması üzrə QHT koalisiyasının üzvü Qubad İbadoğlu cümə axşamı keçirilən mətbuat konfransında bildirib.
O qeyd edib ki, Azərbaycan 2017-ci ilin martında Kolumbiyada keçiriləcək MSŞT-nin növbəti toplantısına qədər bu tədbirləri yerinə yetirməlidir.
Əsas şərtlər QHT qrantlarının Ədliyyə Nazirliyində qeydiyyatı ilə bağlı vəziyyətin düzəldilməsi, xarici donorların qrantlarının dövlət orqanlarında qeydiyyatının və qrantın məqsədəuyğunluğu barədə icra orqanının məcburi rəyinin ləğvidir.
“MSŞT bizin koalisiyanın rəyini nəzərə aldı. Biz Azərbaycanın bu şərtləri yerinə yetirməklə MSŞT-də qalmasına tərəfdar olduq”, - o vurğulayıb.
Azərbaycanın MSŞT-dən çıxarılması ölkənin investisiya reytinqinə və digər reytinqlərə mənfi təsir göstərəcək.
Öz növbəsində “Demokratik Təşəbbüslər İnstitutu”nun rəhbəri Akif Qurbanov xatırladıb ki, MSŞT-nin Astana iclasından öncə prezident İlham Əliyev xarici qrantın qeydiyyatı zamanı “vahid pəncərə”nin tətbiqi barədə sərəncam imzalayıb. Lakin bu, heç nəyi dəyişmir. Belə ki, əgər qrantın məqsədəuyğunluğu barədə icra orqanının qiymətləndirməsi varsa, o zaman yenə də qrant verib-verməmək məsələsini hakimiyyət həll edir.
“Dövlət başçısı və digər rəsmi şəxslər vətəndaş cəmiyyətini “beşinci kolon” adlandırır. Bu cür münasibət problemin həllinə kömək etmir”, - o vurğulayıb.
Tədbirin digər iştirakçısı Oqtay Gülalıyev qeyd edib ki, Astana görüşündən öncə hakimiyyət bəzi kosmetik addımlar atıb: koalisiyaya daxil olan bir necə QHT-ni qeydiyyata alıb.
“Lakin əslində bu, hakimiyyətin müxtəlif QHT nümayəndələrini üz-üzə qoymaq cəhdidir”, - o vurğulayıb. –71D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz