Ötən il ARDNF-nun gəlirləri $2,5 mlrd azalib

2012-ci ildə Azərbaycan Dövlət Neft Fondunun (ARDNF) gəlirləri 1 mlrd 965,6 mln manat ($2,5) yaxud 12,5% azalıb. ARDNF-nin 2012-ci ildə Fondun yekunları ilə bağlı hesabatı bunu göstərir. 

Fondun məlumatlarına əsasən, ötən il onun gəlirləri 13 673,7 mln manat, xərcləri isə 10 573,6 mln manat təşkil edib. 

Neft müqavilələrinin reallaşdırılmasından gələn gəlirlər 13 130,1 mln manat səviyyəsində, o cümlədən mənfəətli neft və qazın satışından - 13 117,4 mln manat, tranzit ödəmələrindən - 7,9 mln manat olub.

Hesabat dövründə xarici investorların verdiyi aktivlərdən gəlirlər 0,2 mln manat təşkil edib. Neft Fondunun vəsaitlərinin idarə edilməsindən 543,6 mln əldə edilib. Bonus ödəmələri 1,6 mln manat, akr ödəmələri isə – 3 mln manat təşkil edib. 2012-ci ildə məzənnə fərqindən fondun gəlirləri 253,8 mln təşkil edib. 

ARDNF-nun xərclər strukturunda qaçqınların və məcburi köçkünlərin sosial-məişət vəziyyətinin yaxşılaşdırılmasına 300 mln manat, Samur-Abşeron suvarma sisteminin yenidən qurulması layihəsinin maliyyələşdirilməsinə 200 mln manat ayrılıb. 

Dövlət büdcəsinə transfertlər 9 905 mln manat təşkil edib. 2007-2015-ci il dövlət proqrammı çərçivəsində azərbaycanlı tələbələrin xaricdə təhsil almasına 20 mln manat xərclənib. Həmçinin 119 mln manat «Bakı-Tbilisi-Qars» yeni dəmir yolunun tikintisi layihəsinin maliyyələşdirilməsinə yönəlib. 

Fondun idarə edilməsinə dair xərclər 29,6 mln manat təşkil edib. 

2013-cü ilin yanvarın 1-ə ARDNF-nun aktivləri $34 129,4 çatıb, bu da 2012-ci ilin eyni tarixində olduğundan 14,5% ($29,8 mlrd) çoxdur. 

2012-ci ilin I rübündən fond qızıl alışına başlayıb və 2013-cü ilin yanvarın 1-ə bu bahalı metaldan 14 ton 934 kq (480 146 unsiya) alıb. 

* Cari ilə ARDNF-nun büdcəsi ilk dəfə olaraq $2,5 mlrd dollar defisitlə təsdiqlənib. --12D—