Rusiya SOCAR -i yunanistan bazarinda «qazprom»un əsas rəqibi hesab edir

Avropa bazarı uğrunda mübarizədə «Qazprom» nəinki Avropa İttifaqının, eləcə də Rusiya konserninin dominantlığı ilə barışmaq istəməyən ABŞ-ın müqaviməti ilə üzləşəcək. «Qazprom» Yunanıstanın Dövlət Qaz Şirkəti DEPA-ya görə 1,9 mlrd avro təklif edib. «Qazprom»un maksimal qiymət təklif etməsinə baxmayaraq, Yunanıstan tenderində Azərbaycanın SOCAR şirkəti qalib gələ bilər. «Nezavisimaya qazeta»nın yazdığına görə, xüsusən də Azərbaycan Avropa İttifaqı üçün həyatı vacib olan Nabucco layihəsini dəstəkləyir.

«NQ» ekspertləri qeyd edir ki, Moskva üçün elə də asan olmayan situasiya yaranır. Yunanıstan bazarı çox maraqlıdır, nəzərə almaq lazımdır ki, «Qazprom» DEPA-ı alaraq onu tamamilə inhisarlaşdıra bilər.

Sberbank CIB şirkətinin analitiki Valeri Nesterov nikbin deyil. «Əvvəl söhbət hər iki şirkətə görə 1-2 mlrd avro arası məbləğin təklif edilməsindən getdiyini nəzərə aldıqda təkcə DEPA-ya görə 1,9 mlrd avro təklifi maksimaldı, - deyə o qeyd edir. Yunanlar üçün qiymət cəlbedicidir, ancaq yekun nəticənin «Qazprom»un xeyrinə qəbul ediləcəyini demək hələ çox tezdir». Birincisi, Afinaya Brüssel tərəfindən əhəmiyyətli təzyiq göstəriləcək, çünki DEPA-nın «Qazprom»a satılması Üçüncü enerji paketinin ziddinə gedir, deyə Nesterov qeyd edir. Bununla bağlı Aİ üçün Azərbaycanın SOCAR şirkətinin təklifi daha maraqlı görsənə bilər. ABŞ tərəfdən təzyiq də əlavə faktor olacaq. 

«Bu situasiyada ən azı üç variant mümkündür, - deyə analitik bildirir. – Birincisi – yunanla öz şirkətlərini Rusiya konserninə satır. İkinci -  SOCAR qalib gəlir, nəzərə alaq ki, Azərbaycan perspektivdə Avropaya ildə 20-25 mlrd m3 qaz nəql edəcək və bu bunun müəyyən hissəsi Yunanıstana yönələcək. Üçüncüsü isə – Total, Shell və digər güclü Qərb oyunçularını maraqlandırmaq üçün satış sonraya keçiriləcək». --0—