Rusiyadan baxiş: İ.Əliyev BP ilə «Rosneft»in ittifaqini təqdir etmir

«Rosneft»lə ittifaqa girən BP şirkətinin Azərbaycanda növbəti problemləri yaranıb. SOCAR-da hesab edirlər ki, bu sövdələşmə Kremlə Britaniya şirkəti vasitəsilə Azərbaycanda enerji daşıyıcılarının hasilatına qapalı təsir etməyə imkan verir. 

Hazırda «Rosneft»in səhmlərinin 20% BP-dir, Britaniya şirkətinin iki nümayəndəsi Rusiyalı tərəfdaşın direktorlar şurasına daxil olacaq, BP-nin öz rəhbərliyində isə «rusiyalı direktor» olacaq. BP $28 mlrd qiyməti olan və Avropanın yeni qaz kəməri tikintisi vasitəsilə Rusiya qaz ixracından asılılığını azaltmalı olan «Şahdəniz-2» qaz layihəsinin işlənilməsində iştirak edir. 

«Bu, yalnız enerji təhlükəsizliyi problemi deyil. Bu həmçinin siyasi və mili təhlükəsizlik problemidir. SOCAR son dərəcə narahatdır» - deyə Azərbaycanın neft-qaz sahəsinin adını çəkmək istəməyən nümayəndəsi bildirib. 

Azərbaycan hakimiyyəti «Rusiyanın 2008-ci ildə Gürcüstana təcavüzündən sonra regionda öz təsirini artırmasını həyacanla izləyir, o zaman heç kim cınqırını çıxarmadı».  

İş o yerə çatıb ki, BP rəhbəri Robert Dadli şəxsən özü Bakıya gəlməli və prezidentində qəbulunda olarkən İ.Əliyevi inandırmalı oldu ki, Britaniya şirkəti «əvvəlki tək Azərbaycandakı layihələrinə sadiqdir». Rusiya və Azərbaycan Avropaya qaz təchizatında rəqabət aparır və «BP-nin Rusiya ilə istənilən anlaşmasına azərbaycanlılar tərəfindən məhz həmin prizmadan baxılacaq». 

BP-nin hər iki ölkədə mövqelərini saxlamağa və onları balanslaşdırmağa cəhd etməklə təhlükəli oyun apardığı barədə mübahisə etmək olar. BP Rusiya ilə Azərbaycan arasında seçim etmək istəmir, o hər iki ölkəyə investisiya yatırıb. 

Xatırladaq ki, http://neftegaz.ru portalının məlumatına görə, 2012-ci ilin oktyabrın 22-də «Rosneft» Britaniyanın BP və AAR-la TNK-BP-nin səhmdarlarından bu şirkətin 100%-i almaqla bağlı razılaşma imzaladığını bəyan etdi. --0—