Ötən ilki ödənişlərin dörddə üçün İcbari Sığorta Bürosu üzvlərinin payına düşüb

Ötən il İcbari Sığorta Bürosu üzvlərinin yığdığı ən az mükafat 5,65 mln manat olub. “Alfa Sığorta” məhz bu qədər mükafat toplayıb. 

Ümumən İcbari Sığorta Bürosu üzvləri 278,74 mln manat mükafat yığıb. Bu, ümumi həcmin 68,7%-dir. 

Aparıcı dördlük (cəmi 28 şirkət var) 174,27 mln manat və ya mükafatların 43%-i toplayıb. 

Ödənişlərdə “elita”nın müştəriləri 93,72 mln manat (76,3%) kompensasiya alıb. Burda «Paşa Sığorta» liderdir. 

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var.  

Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

“İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

 Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər. --17D—