Yay mövsümü başlayandan uşaq və gənclər Nəsimi adına mədəniyyət və istirahət parkına daha çox gedir. Orda oyun attraksionlarının sayı durmadan artır. Attraksionların qiyməti də artır, amma bunun vergi ödənişində öz əksini necə tapması sual olaraq qalır.
Turan agentliyinin monitorinqi göstərib ki, parkda ödənişli xidmətlər kassa nəzarətindən kənardır: attraksiondan istifadə edənlərə nəzarət-kassa çeki verilmir. Kassa aparatları yoxdur. Kassir bildirib ki, onlar müştərilərə xüsusi kart verir, onu qutuya atırlar. Hər axşam attraksion rəhbərlərinin iştirakı ilə qutular açılır. Maraqlıdır ki, attraksionların işçilərinin park rəhbərliyi ilə əmək müqaviləsi yoxdur, onların maaşı dövriyyədən asılıdır. Hər gün bu məbləğ 10-15 manatı keçmir.
Nəsimi adına mədəniyyət və istirahət parkında 30-a qədər oyun attraksionu var. Üç dəqiqə əyləncə 0,50-2 manata başa gəlir. Beş il əvvəl bu məbləğ 40 qəpikdən çox deyildi.
Vergilər Nazirliyinin «195 qaynar xətt» xidmətində Turan-a bildiriblər ki, Vergilər Məcəlləsinin 16.0.8 maddəsi oyun attraksionlarının NKA-dan azad edilməsini nəzərdə tutmur. Ona görə onların olmaması vergi qanunvericiliyinin pozulmasıdır. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz