Özəl və dövlət şirkətlərinin vəhdəti

Azərbaycanda özəl və dövlət mülkiyyəti vəhdət təşkil edir. Dünən özəl Baku Steel Company Açıq Səhmdar Cəmiyyəti Dünya İqtisadi Forumu çərçivəsində dövlət mülkiyyətindən istifadə olunmaqla poladtökmə və maşınqayırma kompleksinin yaradılması ilə bağlı xarici tərəfdaşlarla müqavilə bağlayıb.

Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov özəl şirkətlərin yüz faiz dövlət iştirakı ilə, əsasən Azərboru və Daşkəsən Dağ-Zənginləşdirici Kombinatı ilə danışıqlarının əleyhinə çıxıb.

Etirazın mahiyyəti dəyişmir, ölkə rəhbərliyi sövdələşməni təqdir edib. Bu çərçivədə Baku Steel Company Müşahidə Şurasının sədri Rasim Məmmədov və Almaniyanın SMS SIEMAG şirkətinin baş direktoru Burhard Dahmen Gəncədə Stekel/TLS şirkətinin inşa etdiyi dəzgahqayırma zavodu ilə inteqrasiya olunmuş poladəritmə kombinatının yaradılması barədə saziş imzalayıblar. 

İlkin hesablamalara görə, layihəyə investisiyalar (Azerborunun rekonstruksiyası daxil olmaqla) 1, 1 mlrd. avro təşkil edəcək. R.Məmmədovun sözlərinə görə, müəssisənin layihə gücü 1,8 mln. ton polad və bir o qədər də mədən konsentratıdır.

Baku Steel Company ASC-nin rəhbərliyi Daşkəsən Dağ-Zənginləşdirici Kombinatının illik gücünün 5 mln. ton dəmir konsentratına çatdırılmasına dair niyyət memorandumu da imzalayıb. Memorandum Siemens VAI şirkətinin vitse-prezidentu Alfred Pisinger ilə imzalanıb.

Bu layihəyə qoyulan investisiya 300 mln. avro təşkil edir. Yeniliklər çərçivəsində yeni 50 tonluq elektrik sobaları qurulacaq. Layihə üzrə ümumi planların reallaşması 25 min yeni iş yerinin yaradılmasına imkan verəcək.--17D—

 

Rəy yaz

İqtisadiyyat

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti