![Taleh Bağırzadə Zeynəb Xanlarovanın evinin yandırılmasını təşkil edib?](https://turan.az/resized/media/2013/main/040900034015-750-500-resize.webp)
Taleh Bağırzadə Zeynəb Xanlarovanın evinin yandırılmasını təşkil edib?
İlahiyyatçı Taleh Bağırzadəyə qarşı dövlət çevrilişinə cəhd və milli, irqi, dini ayrı-seçkiliyə çağırışla bağlı yeni ittihamlar irəli sürülə bilər. Bu barədə vəkil Anar Qasımlı dünən Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin saxlama kamerasında T.Bağırzadə ilə görüşündən sonra Turan-a bildirib.
A.Qasımlının sözlərinə görə, artıq narkotik maddə ittihamı bir kənarda qalıb, yüksək vəzifəli şəxslər onunla görüşüb xütbəsi ilə bağlı söhbətlər aparırlar. “Bundan öncə hakimiyyəti sərt tənqid edən dindarlarla aparılan istintaq işlərinə əsaslanaraq T.Bağırzadəyə qarşı da yeni ittihamların irəli sürüləcəyini güman edirik”, - o vurğulayıb.
Vəkil deyib ki, istintaq T. Bağırzadəyə bildirib ki, onun adamları Bakı Şəhər İcra Hakimiyyətinin binasını yandırmağa cəhd edib, həmçinin Zeynəb Xanlarovanın və bir nazir müavininin Nardarandakı bağ evini yandırıblar. İstintaq bu hadisələrlə bağlı T. Bağırzadənin üzünə duracaq şahidlərin olduğunu da onun nəzərinə çatdırıb.
“T. Bağırzadə isə dinc yolla mübarizə apardığını istintaqın diqqətinə çatdırıb: “Mənim dinc mübarizəm yalnız hicab azadlığı ilə məhdudlaşmır, ümumilikdə insan haqlarının bərpasını əhatə edir”.
A. Qasımlı T.Bağırzadənin Baş Mütəşəkkil Cinayətkarlığa Mübarizə İdarəsində deyil, Sabunçu Polis İdarəsində işgəncəyə məruz qaldığını deyib.
“Onun qollarını, ayaqlarını, gözünü və ağzını skoçla bağlayıb yerə yıxıb döyüblər. Tələb ediblər ki, narkotik maddə ilə bağlı ittihama qol çəksin. Bağırzadə işgəncələrə baxmayaraq qol çəkməyib. O vəkil tələb edib, istədiyi vəkillə təmin edilməyib”.
Taleh Bağırzadə martın 31-də həbs edilib. O, Cinayət Məcəlləsinin 234.1 maddəsi ilə (qanunsuz 1,026 qr. heroin saxlamaq) ittiham olunur.
Taleh Bağırzadə Azərbaycan Iqtisad Universitetini bitirib. Iranın Qum şəhərində, 2010-cu ildən 2011-ci ilin mayına qədər isə Iraqın Nəcəf şəhərində ilahiyyat ixtisası üzrə təhsil alıb.
O, martın 24-də məsciddə xütbəsində iqtidarı sərt tənqid edib. T.Bağırzadənin çıxışı sosial şəbəkələrdə yayılıb. Bu çıxışdan sonra o həbs edilib. -03B-
-
- İqtisadiyyat
- 9 Aprel 2013 14:44
-
- İqtisadiyyat
- 9 Aprel 2013 15:23
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz