Qubad İbadoğlu: «Neft gəlirlərini az xərcləyin»

İqtisadi Tədqiqatlar Mərkəzi neft gəlirlərinin idarə edilməsinin müzakirəsini (ABŞ Gəlirlərin İdarə Edilməsi İnstitutunun maliyyə yardımı ilə) akademik müstəviyə yönəldib. Müzakirələr «Qafqaz», «Xəzər» və «Azərbaycan» universitetlərindən başlayıb. 

İTM İH üzvü Qubad İbadoğlunun sözlərinə görə, «Əsrin müqaviləsi» və başqa sazişlər üzrə dövlət neft hasilatından $84 mlrd xalis mənfəət əldə edib. Bunun 60%-i investisiya layihələrinə yönəldilib. Bu il Neft Fondunun ehtiyatlarından daha $14 mlrd əxrclənəcək. 

İTM-in hesablamasına görə, 2024-cü ilə kimi (neftin barreli $80-dan) qaz satışı da daxil $145,3 mlrd qazanacaq. Neftin qiyməti 100 dollara qalxsa, gəlirlər $11 – 15 mlrd artacaq. Əsas olan mənfəət yox, ondan bacarıqla istifadə edilməsidir, - deyə o bildirib. 

Neft-qaz gəlirlərinin uzun müddətli idarə edilməsi Strategiyası icra edilmir. Onun vacib şərtlərindən biri mənfəətin 25%-i gələcək nəsillərə saxlamaqdır. Amma ötən ilki mənfəətin 78%-i xərclənib. «İzafi xərclər əlavə beynəlxalq borc öhdəliklərinə gətirib çıxarır. Ona görə xərclərin limiti olmalıdır», - deyə İbadoğlu bildirib. Onun fikrincə, Norveç, ABŞ və başqa ölkələrin təcrübəsindən istifadə edilməlidir. --17D—