Bakı/10.10.17/Turan: Əmlak Məsələləri Dövlət Komitəsi özəlləşdirilən səhmdar cəmiyyətlərinin torpaq sahələrinin satışını bərpa edib. Qurumun məlumatına görə, noyabrın 7-ə təyin edilən hərracda Masallıda "Boradigah Çay-2" ASC-nin torpağı satılacaq.
"Boradigah Çay-2" SC-nin torpaq sahəsi 3,8 hektardır. Sahə 80 min manat qiymətləndirilib. Hərracda start qiyməti də bu qədərdir.
Qanunvericiliyə əsasən, özəlləşdirilən obyektlərin torpaq sahələrini onların mülkiyyətçisi özəlləşdirməlidir. Bir sıra hallarda ƏMDK bu torpaqları hərraca çıxarır vıə bunu mülkiyyətçilərin istifadə hüququndan imtina etməsi ilə izah edir. Əslində isə bu, minoritar səhmdarlarla "mübarizə silahıdır". Torpaq sahəsi satılandan sonra əsas səhm zərfi sahibinin marağını ifadə edən başqa mülkiyyətçinin olur və onların arasında qarşıdurma başlayır. Faktik olaraq torpağın satışı Azərbaycanda səhmdarları səhmlərini bazar qiymətindən ucuz qiymətə satmağa məcbur etmək vasitəsidir.
İndiyədək ƏMDK 20-dək belə hərrac keçirib. Sonuncu dəfə özəlləşdirilən SC-nin torpağı 2015-ci ildə hərracda satılıb. 08D --
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz