2015-ci ilin yanvar-dekabr aylarında 685 kiçik dövlət müəssisə və obyekti (o cümlədən nəqliyyat vasitələri) özəlləşdirilib. Bu barədə Əmlak Məsələləri Dövlət Komitəsinin yanvarın 18-dəki kollegiya iclası barədə press-relizində bildirilir.
Ötən il həmçinin 456 müəssisə və obyektin yerləşdiyi torpaq sahəsi özəlləşdirilib. Pul hərracında 20 səhmdar cəmiyyətin, investisiya müsabiqələrində 5 SC-nin səhm zərfi satılıb.
ƏMDK-nin məlumatında heç nə deyilməsə də, məlumdur ki, Azərbaycanda dövlət əmlakının özəlləşdirilməsi müsabiqəsiz keçirilir. Bütün obyektlər start qiymətinə satılır. ƏMDK 2015-ci ildə özəlləşmədən əldə edilən gəlirləri açıqlamır.
Ümumən 2015-ci ildə özəlləşmə yavaşımaqda davam edib. Satılan kiçik müəssisə və obyektlərin sayı 2014-cü illə müqayisədə 11%, torpaq sahələri 30%, SC-lərin səhmləri 40% azalıb.
“2016-cı ilin dövlət büdcəsi haqqında» qanunun tətbiqi haqqında fərmanda dövlət başçısı ƏMDK-yə tapşırıb ki, özəlləşməni sürətləndirsin. Yanvarın 18-dəki iclasda prezident İlham Əliyev hökumət tapşırıb ki, dövlət əmlakının özəlləşməsinin yeni proqramını hazırlasın. 08D
İqtisadiyyat
-
Azərbaycanın korporativ sektoru, əməkdaşları qiymətləndirmək üçün uyğun bir sistem yaratmalıdır. PASHA Holding-in icraçı direktoru Cəlal Qasımov, Bakıdakı İnsan İnkişafı Forumunda çıxış edərək, əməkdaşların yalnız nəticələrə əsaslanaraq qiymətləndirilməsindən daha irəli getməyin vacibliyini vurğulayıb.
-
Azerbaycanın Xəzər dənizində yerləşən Azeri Central East (ACE) platformasının istifadəyə verilməsi 2024-cü ildə BP üçün mühüm mərhələ olub, BP-nin CEO-su Murray O'Kinkloss 11 fevralda şirkətin 2024-cü il üzrə hesabatını təqdim edərkən belə deyib.
-
Orta Korridor (Transkaspiyalı Beynəlxalq Nəqliyyat Marşrutu, TMTM) boyunca yüklərin daşınması 2024-cü ildə rekord 3,3 milyon ton təşkil edib ki, bu da illik 20%-lik artım deməkdir, deyə Beynəlxalq “Transkaspiyalı Beynəlxalq Nəqliyyat Marşrutu” Assosiasiyasının Baş Katibi Xeydar Abdikəlimov bildirib.
-
Azərbaycanın milli aviadaşıyıcısı AZAL və İsrailin El Al aviaşirkəti kod-şer razılaşması çərçivəsində yeni tərəfdaşlıqlarını elan ediblər, bu da hər iki aviaşirkətin sərnişinlərinə birgə reyslərdən yararlanmaq imkanı verəcək, şirkətlər bazar günü verdikləri bəyanatda bildiriblər.
Rəy yaz