Bu il Azərbaycanda düyü sahəsi 2 dəfə artaraq 2 268 ha-ya çatıb. Bəzi digər kənd təsərrüfatı bitkiləri üçün əkin sahələri də artıb.
İyunun 1-nə olan vəziyyətə görə, pambıq üçün əkin sahələri 50,9 min ha təşkil edir ki, bu da ötən ildə olduğundan 2,8 dəfə çoxdur. Bu il 2 145,5 ha (+64,8%) sahədə tütün yığılacaq.
Kartof sahələri təxminən ötənilki səviyyədə qalıb - 60,8 min ha (+0,3%). Tərəvəz (- 5,1%) və bostan bitkiləri (-7,6%) üçün əkin sahələri xeyli azalıb.
Ümumilikdə, bu il yazlıq kənd təsərrüfatı bitkiləri üçün 360 min ha-ya (+2,7%) yaxın sahə ayrılıb.
Qeyd edək ki, bu ildən hökumət buğda və düyü ilə yanaşı pambıq, barama və tütün becərilməsinə subsidiya ayıracaq.
Qeyd edək ki, bu, ölkənin beynəlxalq öhdəliklərinə ziddir. Belə ki, Azərbaycan tütünlə mübarizə üzrə Beynəlxalq Konvensiyaya uyğun olaraq 2005-ci ildən tütünçülüyün inkişafının dövlət hesabına birbaşa maliyyələşdirilməsinə yol verilməməsi barədə öhdəlik götürüb. 08D
![Pharrell Williams Bakıda azadlıqdan danışıb [video]](https://turan.az/resized/media/2016/main/062000159579-80-50-fit.webp)
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz