Oktyabrın 2-də prezident İlham Əliyev öz fərmanı ilə Azərbaycan və ABŞ hökumətləri arasında “vergi tələblərinin yerinə yetirilməsi üzrə beynəlxalq qaydalara əməl olunmasının yaxşılaşdırılması və Xarici Hesablar üzrə Vergi Əməletməsi Aktı (Foreign Account Tax Compliance Act – FATCA) tələblərinin həyata keçirilməsi barədə” sazişi təsdiq edib. Akt 2000-ci il martın 18-də ABŞ Konqresi tərəfindən qəbul edilib və 2013-cü il yanvarın 1-dən qüvvəyə minib.
Saziş 2015-ci il sentyabrın 9-da imzalanıb və oktyabrın 20-də parlamentdə ratifikasiya edilib.
Sənəd FATCA çərçivəsində fiziki və hüquqi şəxslərin hesablarının yoxlanması meyarlarını müəyyən edir. Sazişin icrasına müvəkkil orqanlar kimi Azərbaycan Vergilər Nazirliyi və ABŞ Xəzinədarlıq Departamenti çıxış edirlər.
Xarici hesablara vergiqoyuluşu haqqında akt başqa dövlətin ərazisində maliyyə vəsaiti qazanan amerikalı vətəndaşların vergidən yayınmasının qarşısının alınmasını nəzərdə tutur. Qanun xarici bankların, maliyyə institutlarının həm fiziki, həm də hüquqi şəxs olan amerikalı müştərilərin hesablarına dair məlumatı ABŞ vergi sisteminə (İRS) açıqlaması barədə məsuliyyət qoyur.
2017-ci ildən saziş qiymətli kağızların satışından və tranzit ödəmələrdən gəlirləri də əhatə edəcək.
“Model A1” kateqoriyasına aid olan sazişin Azərbaycan variasiyasında banklar və maliyyə təşkilatları Azərbaycan hökuməti vasitəsilə ABŞ vergi xidmətini məlumatlandırmalıdır.
Sazişə əsasən ABŞ öz ərazisində azərbaycanlı rezidentlər barədə məlumat verməlidir.
Azərbaycan 2014-cü il mayın 16-dan ABŞ-ın FATCA üzrə tərəfdaşıdır. Saziş qüvvəyə mindiyi andan bütün banklar və maliyyə institutları İRS-ə qoşulub. Rəsmi Bakı bu cür əməkdaşlığa sanksiya təhlükəsi altında gedib. 2014-cü il aprelin 22-də Nazirlər Kabineti №103s saylı xüsusi sərəncamla Vergilər Nazirliyini qurumun vergi məlumatı mübadiləsi üzrə müvəkkili təyin edib. Bundan sonra ABŞ Vergilər Nazirliyinin portalında Azərbaycan banklarının və maliyyə institutlarının qeydiyyat müddəti 2014-cü il mayın 5-dən dekabrın 31-dən uzadılıb, fatca.ru bildirib.—0—
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz