Paşa Bankın sponsorluğu ilə Bakıda Xəzinədarların beynəlxalq forumu başlayıb

Sentyabrın 19-da JWMARRIOTT Absheron Baku otelində Xəzinədarların beynəlxalq forumu başlayıb. Tədbirin sponsorlarından biri Paşa Bankdır. 

Forumun işində Paşa Bank (Azərbaycan), Petrol Ofisi (Türkiyə), MTS (Rusiya), Volkswagen Group (Rusiya), Royal Unibrew (Danimarka), Chipita SA (Yunanıstan), Belaqro (Belarus) və s. şirkətlərin nümayəndələrinin iştirak edir. Paşa Bankı baş treyder Ruslan Məhərrəmov təmsil edir.. 

Forumda aşağıdakı mövzular üzrə dünyanın müxtəlif ölkələrindən məruzəçilərin iştirakı planlaşdırılır: mərkəzləşdirilmiş korporativ xəzinədarlığın təşkili, likvidliyin idarə edilməsi alətlərinin müzakirəsi, risklərin qarşısının alınması və s.

Təşkilatçısı MSB şirkəti olan tədbir 20 sentyabrda başa çatacaq. 

Paşa Bank Azərbaycanın aparıcı korporativ bankıdır. 2007-ci ildə təsis olunmuş Bank  geniş spektrli korporativ bank xidmətlərini göstərir, kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri ilə məşğuldur.

Baş ofis və dörd filialı olan Paşa Bankda 207 əməkdaş çalışır. "Europe Banking Avards 2011" çərçivəsində Bank "Azərbaycanın ən yaxşı İnvestisiya Bankı" elan olunub. 

Paşa Bank Azərbaycanın iri investisiya holdinqi olan və sığorta, inşaat, inşaat materiallarının istehsalı, turizm və eləcə də biznesin sair istiqamətlərində də geniş təmsil olunan Paşa şirkətlər qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da Paşa şirkətlər qrupuna daxildir. —15D--