"Paşa Sığorta" aparıcı A reytinqli təkrarsığortaçılarla obligator müqaviləsini imzalayıb

"Paşa Sığorta" şirkəti aparıcı A reytinqli təkrarsığortaçılarla obligator müqaviləsini imzalayıb. Şirkətin məlumatında (http://www.pasha-insurance.az/cgi-bin/read.pl?id=636) deyilir ki, balanslaşdırılmış sığorta portfelinin yaradılması, sığorta əməliyyatlarının səmərəliliyi və maliyyə sabitliyinin, eləcə də müştəri müraciətlərin çevikliyini təmin edilməsi məqsədi ilə, PAŞA Sığorta may ayından etibarən A-reytinqli Munich RE, SCOR, Polish RE və yerli AzRe kimi təkrarsığorta şirkətləri ilə Əmlak/İnşaat-Montaj təkrarsığotrası və onu müşahidə edən risklər üzrə öz birinci obliqator müqaviləsini imzalamışdır. Həmin müqavilə üzrə lider anderrayter rolunda Munich Re çıxış edir. 

Əlavə edək ki, Munich Re Azərbaycan bazarında ilk dəfə olaraq ümumi sığorta (non-life insurance) üzrə öz obliqator müqaviləsini imzalayıb. Onu qeyd edək ki, Munich Re illik təkrarsığorta haqqı həcminə görə global sığorta bazarının və dünya təkrarsığorta bazarının lideridir http://www.munichre.com/en/group/key_figures/default.aspx. 

“PAŞA Sığorta” ASC-nin İdarə Heyətinin üzvü və baş texniki direktoru Tural Əliyev qeyd edir: "Bu müqavilə daha etibarlı təkrarsığorta müdafiəsini, eləcə də PAŞA Sığorta-nın müştəri müraciətlərinə operativ qaydada cavab vermək imkanı yaradır". 

PAŞA Holdinq-in tərkibində fəaliyyət göstərən “PAŞA Sığorta” ASC korporativ və fərdi müştərilərə könüllü və icbari sığortanın 30 növü üzrə xidmət göstərir. 35.5 milyon manat nizamnamə kapitalı və 76 milyon manat cari aktiv ilə PAŞA Sığorta kapitallaşma göstəricilərinə və riskləri özündə saxlama gücünə görə Azərbaycan sığorta və təkrarsığorta bazarının lider üçlüyündə mövqeyini gücləndirmişdir.

2012-ci ildə mükafat və ödənişlər üzrə lider olub. Bu ilin I rübündə şirkətin mükafatları 24 mln 455,663 min manat, ödənişləri 5 mln 804,635 min manat təşkil edib. --17D—