Oğuz rayonunun Xaçmaz kəndinin yüzlərlə sakini bu gün onlarla görüşmək üçün kəndə gələn icra hakimiyyəti başçısı ilə görüşdə sosial problemlərlə bağlı narazılıqlarını bildiriblər.
Turan-ın regional müxbirinin verdiyi məlumata görə, sakinlər işsizlikdən, yolların pis vəziyyətindən, sosial sahə işçilərinin korrupsionerliyindən, meşələrdə ağac kəsilməsinin qadağan edilməsindən şikayət ediblər. Bütün bu problemlər kənddə həyatı dözülməz edir. Burada başqa gəlir mənbəyi yoxdur.
İcra hakimiyyəti başçısı qarşıya qoyulmuş məsələlərin həlli üçün tədbirlər görməyi vəd edib. Sakinlər yenə təkrar ediblər ki, vəziyyətdə dəyişiklik olmazsa, onlar, Qəbələ-Şəki yolunu kəsərək, nəqliyyatın hərəkətini dayandıracaqlar.
Mayın 6-da kənd sakinləri hakimiyyətdən problemlərinin həlli tələbilə etiraz aksiyas keçirmişdilər. -27В-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz