![PaşaBank xəzinədarlıq şöbəsinin işini idarə etmək üçün Calypso sistemini seçib](https://turan.az/resized/./turan-750-500-resize.webp)
PaşaBank xəzinədarlıq şöbəsinin işini idarə etmək üçün Calypso sistemini seçib
Azərbaycanın aparıcı investisiya banklarından biri olan PaşaBank maliyyə vəsaitlərinin idarə olunmasının həlli kimi “Calypso” sistemini seçib.
PaşaBank öz bazar payını artırmağa və yeni bazarlara, işgüzar sahələrə genişlənməyə imkan verəcək həll yolu axtarırdı. Bank bazarda olan bir neçə əsas vəsaitlərlə çarpaz ticarət texnologiyası platformasını nəzərdən keçirib və şirkətin dərin təcrübəsi, müasir texnologiyası və səmərəli həyata keçirmə imkanına görə “Calypso Technology” şirkətini seçib.
“Biz bu sektorun lideri olduğu üçün və həm müasir texnologiya, həm də bizə lazım olan dəyərli məsləhəti təqdim etmə qabiliyyətinə görə “Calypso” sistemini seçdik. “Calypso” PAŞA Bank kimi investisiya bankının maliyyə və risklərin idarə olunması ehtiyacını başa düşən etibarlı tərəfdaşdır. Bu anlayış və güclü maliyyə idarəetmə imkanları seçimimizi “Calypso” sistemində dayandırdı. Kassa əməliyyatları sahəsində dəyişən tələblərə cavab vermək və bizim inkişaf təşəbbüslərimizi, törəmə maliyyə alətləri ilə ticarət kimi yeni sahələrə genişləndirmək məqsədilə “Calypso” ilə tərəfdaşlığımızı daha da inkişaf etdirməyə çalışacağıq”,, deyə PaşaBankın İdarə Heyətinin üzvü və İnvestisiyalar üzrə baş direktor Taleh Kazımov qeyd edib.
“Calypso” müştərilərinə öz bizneslərini inkişaf etdirmək və yeni bazarlara doğru genişlənmək imkanı verən , dünya miqyaslı həll yollarını təchiz etmək məqsədini qarşıya qoyub. “Biz PaşaBankla işləyəcəyimizdən və onların artan uğurunu dəstəkləyəcəyimizdən çox məmnunuq. PaşaBankı Azərbaycanda ilk müştərimiz kimi qəbul etməklə sürətlə inkişaf edən bu regionda fəaliyyətimizi və müştəri bazamızı genişləndirmək məqsədi güdürük” - deyə “Calypso Technology” şirkətinin İdarə Heyətinin sədri və baş icraçı direktoru Çarlz Marston bildirib.
Calypso sistemi PaşaBankda dekabr ayından tətbiq ediləcək.
Paşa Bank Azərbaycanın aparıcı korporativ bankıdır. 2007-ci ildə təsis olunmuş Bank geniş spektrli korporativ bank xidmətlərini göstərir, kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri ilə məşğuldur.
Baş ofis və dörd filialı olan Paşa Bankda 207 əməkdaş çalışır. "Europe Banking Avards 2011" çərçivəsində Bank "Azərbaycanın ən yaxşı İnvestisiya Bankı" elan olunub.
Paşa Bank Azərbaycanın iri investisiya holdinqi olan və sığorta, inşaat, inşaat materiallarının istehsalı, turizm və eləcə də biznesin sair istiqamətlərində də geniş təmsil olunan Paşa şirkətlər qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da Paşa şirkətlər qrupuna daxildir. .—15D--
-
- Cəmiyyət
- 3 Oktyabr 2013 13:04
-
- İqtisadiyyat
- 3 Oktyabr 2013 13:28
İqtisadiyyat
-
Fitch Ratings Azərbaycan Respublikasının uzunmüddətli xarici valyuta emissiya defolt reytinqini (IDR) “BB+”dan “BBB-”ə qaldırıb, bu da investisiya səviyyəsində statusu və stabil görünüşü göstərir. Bu müsbət addıma baxmayaraq, agentlik ölkənin iqtisadi inkişafını təsir edə biləcək bir neçə iqtisadi əngəli vurğulayıb.
-
Azərbaycan Dövlət Statistika Komitəsinin məlumatına görə, 2024-cü ilin birinci yarısında Azərbaycanda mehmanxana və mehmanxana komplekslərində gecələmələrin sayı 2023-cü ilin eyni dövrü ilə müqayisədə 35,8% artaraq 1 milyon 851 min nəfərə çatıb.
-
Gələn ilin əvvəlində Azərbaycanda vahid elektron daşınmaz əmlak portalı istifadəyə veriləcək, bunu İqtisadiyyat Nazirliyinin Dövlət Əmlak Xidmətinin Dövlət Kadastrı və Daşınmaz Əmlakın Reyestri Kollegiyasının idarə heyətinin sədri Nigar Alimova deyib.
-
İqtisadiyyat Nazirliyindən verilən məlumata görə, “AzerGold” QSC-nin Daşkəsən rayonunda yerləşən Çovdar İnteqrasiya edilmiş Regional Emalı Müəssisəsində (MHİB) yerləşən sorbsiya ilə yuyulma zavodu tammiqyaslı fəaliyyətə başlayıb.
Rəy yaz