Prezident elektrik və qaz tariflərini dəyişəcək – iqtisadçı

İqtisadçı Natiq Cəfərli hesab edir ki, prezident İlham Əliyev tarif məsələsinə qarışacaq, elektrik və qaz tariflərini dəyişəcək.

Turan-ın məlumatına görə, ekspert «Facebook» səhifəsində yazıb ki, qaz və işıqla bağlı kvotalarda, sayğac hesablamalarında qarışıqlıq yaranacaq, hətta vətəndaşlarla nəzarətçilər arasında tez-tez mübahisələr düşəcək.  

«Bu zaman meydana prezident çıxacaq, tarifləri tənzimləyəcək, tək qiymətlə hesablama aparılmasına keçidlə bağlı tapşırıq vetəcək, Tarif Şurasının qaldırdığı qiymətləri (güya) endirəcək - işıqda tək tarif 9 qəpik, qazda isə 13 qəpik, ya da 14 qəpik edəcək. Qiymətlər "enəcək" və hamı prezidentə minnətdar olacaq”.

Xatırladaq ki, Tarif Şurası noyabrın 28-də enerji daşıyıcılarının qiymətlərini dəyişib. 

Xatırladaq ki, Tarif Şurası noyabrın 28-də enerji daşıyıcılarının qiymətinə yenidən baxıb. Əhali üçün illik istehlak həcmi 1500 kubmetri keçməyəndə 1 kubmetr üçün tarif 0,1 manat səviyyəsində qalacaq. İstehlak həcmi bu məbləği keçərsə, 1 kubmetrin qiyməti 0,2 manat olacaq.

Bundan başqa, 1 kvt saat elektrik enerjisinin qiyməti 0,043 manatdan 0,057 manata artırılıb.

Aylıq istehlak həcmi 250 kilovat/saatı keçməyən istehlakçılar üçün elektrik enerjisinin qiyməti 0,07 manat qalacaq, Bundan artıq olanda 1 kilovat/saat üçün 0,11 manat ödəmək lazım gələcək.  71D