Bakı/09.10.17/Turan: Bu ilin doqquz ayında bütün sahələrdə dinamik inkişaf təmin edilib, əsas iqtisadi göstəricilər müsbət olub. Bu barədə prezident İlham Əliyev bazar ertəsi Nazirlər Kabinetinin iclasında bildirib.
O qeyd edib ki, qeyri-neft sektorunun inkişafı 2,5% təşkil edib, əsasən qeyri-neft sektorunda artım 3,1%, kənd təsərrüfatında 2,8% olub. Xarici ticarət 7% artıb.
"Doqquz ayda Azərbaycanın valyuta ehtiyatları 42 milyard dollar səviyyəsində olub.
"Biz uzunmüddətli dayanıqlı inkişaf barədə düşünürük. İqtisadi imkanlarımız müstəqilliyimizin əsas şərtlərindən biridir", - vurğulayıb.
Onun sözlərinə görə, doqquz ayda 226 min yeni iş yeri yaradılıb.
Cocuq Mərcanlının bərpasını və kənddə sosial infrastrukturun yaradılmasını tarixi hadisə adlandıran dövlət başçısı 2017-ci ildə də məcburi köçkünlərin yeni mənzillərlə təmin ediləcəyini və bu layihənin gələn il də davam etdiriləcəyini bildirib, indiyədək 250 mindən çox qaçqının dövlət tərəfindən mənzillərlə təmin olunduğunu qeyd edib.
Prezident deyib ki, bu ilin doqquz ayında ölkənin neft-qaz sektorunda əlamətdar hadisələr baş verib. Ötən ay "Azəri", "Çıraq" və "Günəşli" yataqları üzrə yeni saziş imzalanıb, "Cənub" qaz dəhlizi layihəsi ilə bağlı işlər də uğurla gedir.
"Azərbaycanın iştirak etdiyi və bir çox hallarda təşəbbüskarı olduğu layihələr qlobal xarakter daşıyır və dünyada ölkəmizin mövqeyinin daha da güclənməsinə töhfə verir", - dövlət başçısı vurğulayıb.
Prezident bildirib ki, 2017-ci il ölkə tarixində ciddi islahatlar ili kimi qalacaq.
"Bu il investisiya təşviqi mexanizmi işə düşüb. İndiyədək 200-dən artıq investisiya təşviq sənədi verilib ki, bunun da nəticəsində Azərbaycana özəl sektor tərəfindən 1,7 milyard manat sərmayə cəlb edilib. Bununla yanaşı ölkədə ixracın təşviqi mexanizmi işə düşüb", - o bildirib.-71D-
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz