Prezident maliyyə hesabatını dərc etməkdən yayınmağa görə cərimə təyin edilməsi haqda qanunu təsdiq edib

Prezident İlham Əliyev noyabrın 29-da «İnzibati Xətalar Məcəlləsinə dəyişikliklər edilməsi haqqında» qanunun tətbiqi barədə sərəncam imzalayıb. Məcəlləyə dəyişikliklər maliyyə hesabatını dərc etməkdən imtinaya görə inzibati məsuliyyət nəzərdə tutur. 

Dəyişikliklərə əsasən, şirkətlər və onların vəzifəli şəxslərinə cərimə sanksiyaları illik maliyyə hesabatı və konsolidə edilmiş maliyyə hesabatlarının dərc edilmə qaydası pozulanda da tətbiq ediləcək. 

İXM-in 247-1 maddəsi maliyyə hesabatlarının hazırlanıb Maliyyə Nazirliyinə və təsisçilərə təqdim edilməsi qaydalarının pozulmasına görə vəzifəli şəxslərin 300-400 manat, hüquqi şəxsin 1500-2000 min manat cərimələnməsini nəzərdə tutur. Bundan sonra cərimə onların mətbuatda dərci barədə qanunvericiliyin tələbi pozulanda da tətbiq olunacaq. 

Bu normanın təsir dairəsi genişdir və sığorta şirkətləri, banklar, səhmdar cəmiyyətləri, məhdud məsuliyyətli cəmiyyətlər, maliyyə-sənaye qrupları və s. əhatə edir. 

Nazirlər Kabineti üç ay müddətində Azərbaycan Respublikası qanunlarının və Azərbaycan Prezidentinin aktlarının "Azərbaycan Respublikasının İnzibati Xətalar Məcəlləsində dəyişikliklər edilməsi haqqında" qanununa uyğunlaşdırılmasına dair təkliflərini hazırlamalı və Nazirlər Kabinetinin normativ hüquqi aktlarının həmin qanuna uyğunlaşdırılmasını təmin etməlidir. 

Azərbaycanda maliyyə hesabatlarının dərc edilməsində ən intizamlı qurumlar banklar və sığorat şirkətləridir. Bu, həmin sektorların spesifikası və nəzarət orqanlarının ciddi nəzarəti ilə bağlıdır. 08B