Bakı/31.05.19/Turan: Bu ilin birinci rübündə Azərbaycan xaricdə 62,3 min qaz sayğacı alıb. Bu, 2018-ci ilin analoji dövründəki göstəricidən 1,8 dəfə çoxdur. Bu barədə Dövlət Statistika Komitəsində Turan-a bildiriblər.
Sayğaclar əsasən Fransa (33,3 min ədəd) və Çindən (28,8 min ədəd) alınıb. Fransa istehsalı olan qaz sayğacları orta hesabla 89,5 dollara, Çin istehsalı qaz sayğacları isə 24 dollara alınıb.
"Azəriqaz" İstehsalat Birliyinin məlumatına görə, bu ilin dörd ayı ərzində 38 min yeni təbii qaz abunəçisi qeydə alınıb.
2016-2018-ci illərdə ümumi bəyannamə qiyməti 33 milyon dollar olan 451,7 min qaz sayğacı idxal edilib. --0--
İqtisadiyyat
-
Azərbaycanın maliyyə vəziyyəti möhkəmlənməyə davam edir, çünki ölkənin xarici valyuta ehtiyatları 2025-ci il yanvarın 1-nə olan vəziyyətə görə 71 milyard dollar həcmində artıb. Bu rəqəm, həmçinin Azərbaycan Dövlət Neft Fondu (SOFAZ) və Azərbaycan Mərkəzi Bankının (AMB) ehtiyatlarını əhatə edir və ölkənin xarici borcunu xeyli üstələyir; xarici borc ehtiyatların təxminən 14 dəfə azdır. Bu güclü ehtiyat mövqeyi, Azərbaycanın maliyyə sabitliyini və hökumətin strateji iqtisadi idarəetməsini əks etdirir.
-
Azərbaycan Energetika Nazirliyinin operativ məlumatlarına görə, 2025-ci ilin yanvar ayında ölkədə 2,3 milyon ton neft (kondensatla birlikdə) və 3,9 milyard kubmetr qaz hasil edilib.
-
Azərbaycan Dövlət Neft Şirkəti (SOCAR) Albaniyada nümayəndəlik açıb və bu il konkret bir layihənin icrasına başlamağa hazırlaşır, Albaniyanın "Albgaz" şirkəti bildirib.
-
"Azərbaycan hazırda 54 orta gəlirli ölkə arasındadır". Bunu Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov fevralın 10-da Bakıda Dünya Bankının "Dünya İnkişaf Hesabatı 2024" təqdimatında deyib.
Rəy yaz