![Qazaxıstanın ərzaq bazarının tələbatı mövzusunda təqdimat](https://turan.az/resized/750/500/resize/media/2015/main/070100121767.jpg)
Qazaxıstanın ərzaq bazarının tələbatı mövzusunda təqdimat
Azərbaycan hökuməti Qazaxıstana kənd təsərrüfatı və qida məhsullarının perspektivli satış bazarı kimi baxır. Bu məqsədlə iyunun 30-da Azərbaycanda İxracın və İnvestisiyaların Təşviqi Fondu (AZPROMO) Bakı Biznes Mərkəzində Qazaxıstanın qida bazarının tələbatı mövzusunda təqdimat keçirib.
İqtisadiyyat və Sənaye Nazirliyinin mətbuat xidmətindən Turan-a bildirilib ki, yerli şirkətin 30-a yaxın nümayəndəsi xarici bazarlara çıxış imkanları, ixrac məhsullarına tətbiq edilən standartlar, logistika məsələləri, həmçinin AZPROMO-nun bu istiqamətdə xidmətləri ilə tanış olublar.
AZPROMO-nun Biznes Məlumat Mərkəzinin direktoru Anar Qasımlı Qazaxıstanda ərzaq bazarında hazırkı vəziyyət, ayrı-ayrı məhsulların qiyməti, malların paylama mexanizmi, həmçinin bu ölkədə Azərbaycan mallarının satışında maraqlı olan supermarketlər şəbəkəsi haqqında danışıb.
Qeyd edək ki, Dövlət Gömrük Komitəsinin məlumatına görə, bu ilin birinci rübündə Qazaxıstana ümumi dəyəri $300,4 min həcmində 291,4 ton kənd təsərrüfatı və ərzaq məhsulları (alma, yaşıl və qara çay, noxud, cem və mürəbbə) ixrac edilib.
Bu ilin sentyabrında Aktauda (Qazaxıstan) Logistika Mərkəzinin istismara verilməsi planlaşdırılıb. Mərkəz “Azersun Holding” şirkətlər qrupu tərəfindən tikiləcək. Tikinti işləri 20 mln. avro həcmində dəyərləndirilib. Aktau dəniz limanında Logistika Mərkəzinin fundamenti 2014-cü ilin iyununda qoyulub.
Mərkəzdə müasir soyuducu-anbar kompleksi yaradılacaq. Burada 10 min ton kənd təsərrüfatı, o cümlədən 2,5 min ton təzə meyvə-tərəvəz saxlanılacaq. Bu məhsullar Qazaxıstanın qərbində satışa çıxarılacaq.
Növbəti mərhələdə çeşidləmə və qablaşdırma infrastrukturunun, istehsalat və emal müəssisələrinin yaradılması nəzərdə tutulur.08D
-
- Foto sessiyalar
- 1 İyul 2015 13:24
-
- İqtisadiyyat
- 1 İyul 2015 13:52
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz