"Qazprombank" SOCAR Polymer layihəsinə $420 mln ayırıb

ARDNŞ və «Qazprombank» 13 dekabrda Bakıda SOCAR-Polymer zavodunun tikintisinə $420 mln ayrılması barədə saziş imzalayıb.

ARDNŞ mətbuat xidmətinin məlumatına görə, sazişi şirkətin prezidenti Rövnəq Abdullayev və Rusiyanın “Qazprombank” Açıq Səhmdar Cəmiyyəti İdarə Heyətinin sədri Andrey Akimov imzalayıb.

Akimov bildirib ki, 10 il müddətinə və zəmanət tələb edilmədən verilən bu kredit Azərbaycana, onun neft-qaz sektorunun lokomotivi olan ARDNŞ-yə bəslənilən inamın və etimadın bariz göstəricisidir.

Bundan başqa, bank ARDNŞ üçün $2 mlrd kredit limiti açıb.

SOCAR POLYMER ildə 200 min ton polipropilen və 120 min ton polietilen istehsal edəcək.

İyulda Sumqayıt Kimya Sənaye Parkının direktor müavini jurnalsitlərə demişdi ki, SOCAR-Polymerin tikintisi ilin sonunda başlayacaq və 2 ilə başa çatacaq.

Əvvəl zavodun $335 mln-a başa çatacağı gözlənilirdi. Zavodda Lyonell Basell Industries şirkətinin texnologiyası tətbiq ediləcək.

Wikipediaya görə, “Qazprombank”ın səhmdarları 2014-cü ildə bunlardır:

«Qazprom» ASC - 35,54%;

 «Qazfond» qeyri=dövlət pensiya fondu - 47,38%;

Vneşekonombank – 9,10%;

Sergey Rozenberq, «Tinkoff» QSC – 1,07%;

RDK – 0,78%;

Menecment – 0,6%.

Direktorlar Şutasının sədri Aleksey Miller, İH sədri Andrey Akimovdur.

Maraqlıdır ki, “Qazprombank” ABŞ Maliyyə Nazirliyinin sanksiya siyahısındadır.

Sanksiyalar Vneşekonombank,  “Qazprombank” "Rosneft" və "Nova TEK"i 90 gündən artıq yeni maliyyələşməyə çıxışdan məhrum edib. ABŞ Maliyyə Nazirliyi hesab edir ki, sanksiyalar bu şirkətləri iqtisadi izolyasiyaı ilə nəticələnəcək.—0—