EDC Türkiyədə SOCAR NEZ-in aparıcı kredit təşkilatçısı kimi çıxış edir

Kanadanın "Export Development Canada" (EDC) şirkəti ARDNŞ-nin (Azərbaycan Respublikası Dövlət Neft Şirkəti) Türkiyədəki STAR neft emalı zavodunun (NEZ) tikintisi layihəsinə bank konsorsiumunun ayırdığı 3,3 milyard dollar sindikatlaşdırılmış kreditin əsas təşkilatçısıdır. Bu barədə Kanada şirkəti məlumat verir.

Həmin saziş çərçivəsində EDC 150 milyon dollar vəsait ayırıb. 

Şirkətin strukturlaşdırma və layihə maliyyələşdirməsi üzrə vitse-prezidenti Sven List deyib: "Bu sazişin uğurla tamamlanması EDC-in layihə maliyyələşdirməsinin çətinliyinə görə strukturlaşdırmada təcrübəsindən xəbər verir, həmçinin Türkiyədə ticarət prosedurlarının sonrakı sadələşdirilməsi üçün şərait yaradır". 

Şirkətin Türkiyədəki baş nümayəndəsi Zenon Voyçişin dediyi kimi, EDC bu layihəyə böyük diqqət ayırır: "Bu sazişdə EDC-nin iştirakı ARDNŞ ilə konstruktiv əlaqələr qurmağa imkan verir və şübhəsiz ki, gələcəkdə bu sahədə bizə yeni imkanlar yaradacaq”.

6 iyun 2014-cü ildə İstanbulda STAR NEZ tikintisi çərçivəsində ARDNŞ 23 maliyyə institutu ilə $3,29 mlrd-lıq saziş imzalayıb.

Əvvəllər məlumat verilmişdi ki, kreditin $2,69 mlrd-ı 18 illiyə (güzəşt müddəti 4 il), $600 mln 15 illiyə (güzəşt müddəti 4 il) ayrılıb.

Hazırda layihədə pay bölgüsü belədir: "Rafineri Holding A.Ş." 60% SOCAR 40%.

SOCAR NEZ tikintisinin ümumi qiyməti $5,5 mlrd-dır.

* Export Development Canada Kanadanın ixrac kredit agentliyidir. Dünyanın 200-dək bazarında 7 700 şirkətə innovasiya həlləri təqdim edir.

** STAR NEZ-in təməli 25 oktyabr 2011-ci ildə qoyulub. Baş podratçı  Tecnicas Reunidas SA, Saipem SpA, GS  Engineering & ConstructionCorp və Itochudur.