“Azərbaycan Fond Bazarı İştirakçıları Assosiasiyası” (AFBİA) 7 illik fasilədən sonra qiymətli kağızlar bazarının inkişafı üzrə səyləri gücləndirmək üçün yığışıb. Ötən cümə ictimai birlik yeni İdarə Heyəti seçib.
Assosiasiyanın İdarə Heyətinin sədri Ceyhun İbrahimov (“İnvest-AZ” MMC-nin direktor müavini) Turan-a bildirib ki, ilk vəzifələri QK bazarı sahəsində qanun yaradıcılığında iştirak, QK alqı-satqısı üzrə əməliyyatlara nəzarətin artırılması, yeni investorların cəlb edilməsidir. «Bir çox brokerlər kommersiya banklarının yanında fəaliyyət göstərir və maliyyə müstəqilliyi yoxdur», deyə o düşünür.
Brokerlər birliyinin ilk addımlarından biri korporativ qiymətli kağızların alqı-satqısı üzrə əqdlərin icrası taiflərinə yenidən baxılması, onların artırılması ola bilər. AFBİA İdarə Heyətinin sədrinin sözlərinə görə, bu, brokerlərin maliyyə vəziyyətini yaxşılaşdırar və fond bazarında aktivliyin dinamikasına təsir etməz.
Assosiasiyanın və fond bazarının fəaliyyətinin canlanmasının bu və başqa aspektləri brokerlərin bu yaxınlardakı iclasında müzakirə ediləcək.
AFBİA-nın sıralarında 10 broker şirkəti var. Broker fəaliyyəti ilə 15 şirkət məşğul olur.
AFBİA 2007-ci ilin mayında yaradılıb və o vaxtdan bir dəfə də iclas keçirməyib. Mülki Məcəlləyə əsasən, Qiymətli kağızlar bazarı peşəkar iştirakçılar birliyi ildə bir dəfə mətbuatda illik hesabat verməlidir. Bu təşkilatın QK bazarında investorların vurduğu ziyanı ödəmək üçün maliyyə ehtiyat olmalıdır. 08B
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz