ABŞ-dakı azərbaycan diasporunun bir qrup nümayəndəsi Aş Evin qarşısında etiraz aksiyası keçirib. Etirazçılar prezident Obamadan “Erməni təcavüzünü pisləyin!”, “Rusiya hegemoniyasına yox deyin!”, deyə tələb ediblər.
Aksiya Rusiya prezidenti Vladimir Putinin vasitəçiliyi ilə Soçidə Azərbaycan və Ermənistan prezidentlərinin görüşündən bir neçə saat əvvəl keçirilib.
Azərbaycan və Türkiyə diaspor təşkilatlarının nümayəndələri Turana bildirib ki, aksiyaya öz təşəbbüsü ilə onlarla insan qatılıb.
“Biz, ABŞ-da yaşayan azərbaycanlılar Ermənistanın Azərbaycana qarşı təcavüzündən narahatıq. Azərbaycan əsgərlərinin həlak olması ilə nəticələnən təcavüzlə bağlı Obama administrasiyası təxirəsalınmaz tədbirlər görməlidir”, aksiya iştirakçısı Bədir Məmmədli bildirib.
Etirazçılar “Biz sülh istəyirik!” və “Ya Qarabağ, ya ölüm!” şüarları da səsləndirib.
İştirakçılar bildirib ki, bu aksiya ilk addımdır, bundan sonra Amerika Konqresinə və administrasiyasına həqiqi informasiyaları çatdırmaq üçün yeni tədbirlər planlaşdırırlar.
Xatırladaq ki, Amerikada yaşayan hökumətyönümlü şəxslər ABŞ demokratiyasının normalarından istifadə edərək Vaşinqtonda prezident administrasiyasının qarşısında aksiya keçirirlər. Amma Bakıda istənilən dinc aksiyanın qarşısı alınır, fəallar həbs edilir.-25C-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz