Əmək və Əhalinin Sosial Müdafiəsi Nazirliyi (ƏƏSMN) ilin sonuna kimi aztəminatlı vətəndaşlar üçün İxtisaslaşmış Reabilitasiya Mərkəzi və yetkinlik yaşına çatmayanlar üçün Sosial Sığınacaq istismara verəcək. Bakının Sabunçu rayonunun Zabrat qəsəbəsində həmçinin Gözdən Əlillər üçün Tədris-Bərpa Mərkəzi tikiləcək, - deyə ƏƏSMN məlumat verir.
Bundan başqa, Qobustan rayonunda Penitensiar müəssisələrdə cəza çəkməkdən azad olunmuş şəxslər üçün Sosial Adaptasiya Mərkəzi inşa olunur.
İxtisaslaşmış Reabilitasiya Mərkəzi və Sosial Sığınacaq çətin həyat şəraitinə düşmüş uşaqların müvəqqəti yaşayış yeri, sosial, psixoloji və digər xidmətlərlə, hüquqi yardımla təmin edilməsi məqsədinə xidmət edir.
Nazirliyin məlumatına görə, ölkənin ayrı-ayrı regionlarında - Gəncə, Ağcabədi, Quba, Masallı, Şəki, Tovuz, İsmayıllı və Salyan rayonlarında da belə obyektlərin yaradılmasını nəzərdə tutulur. İxtisaslaşmış Reabilitasiya Mərkəzləri 30 yerlik, Sosial Sığınacaqlar 25 yerlik olacaq.
Bu ilin I rübündə Sabunçu rayonunda çətin həyat şəraitinə düşmüş uşaqlar üçün Reabilitasiya Mərkəzi istismara verilib. --17D—
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz