Qiymətli Metallara və Qiymətli Daşlara Nəzarət Dövlət Xidməti 15 min saxta məmulat aşkarlayıb
2013-cü ilin I rübündə əyar nəzarəti tədbirləri zamanı qiymətli metallar və qiymətli daşlardan hazırlanmış və qanunvericiliyə zidd olaraq dövlət əyar damğası ilə damğalanmayan 15535 ədəd zərgərlik məmulatı aşkar edilib.
Maliyyə Nazirliyinin saytı məlumat verir ki, pozuntuları Qiymətli Metallara və Qiymətli Daşlara Nəzarət Dövlət Xidməti aşkarlayıb.
2013-cü ilin I rübü ərzində 18 sahibkarlıq subyektində dövlət əyar nəzarəti tədbirlərinin keçirilib. Məmulatların üzərində mənşəyi məlum olmayan ad və əyar damğalarının izləri müəyyən edilib, onlar əyarlarına uyğun dövlət əyar damğası ilə damğalanıb, deyə məlumatda bildirilir.
Yoxlamalar nəticəsində dövlət büdcəsinə müvafiq olaraq 136120,00 manat məbləğində dövlət rüsumu və 10,4 min manat məbləğində inzibati cərimələrin ödənilməsi təmin edilib.
“2013-cü ilin I rübü ərzində Xidmətə ekspertiza, analiz, əyarlanmaq və damğalanmaq üçün daxil olmuş qiymətli metallardan hazırlanmış zərgərlik məmulatlarına görə 411762,2 manat məbləğində dövlət rüsumunun büdcəyə ödənilməsi təmin edilib”, - deyə sayt bildirir. --17D—
İqtisadiyyat
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
-
Türkiyə 2053-cü ilə qədər karbon neytrallığına nail olmağı və iqtisadiyyatının əsas sahələrini "sıfır tullantılar və yaşıl inkişaf" vizyonu əsasında transformasiya etməyi hədəfləyir, deyə Türkiyə prezidenti Rəcəb Tayyib Ərdoğan Bakıda keçirilən COP29-da bazar ertəsi bildirib.
Rəy yaz