ISB-nin illik hesabatı

İcbari Sığorta Bürosu (ISB) (http://isb.az/images/reports/Annual%20report.pdf) ötən ilki maliyyə fəaliyyəti barədə hesabat verib. 

Büronun aktivləri 11 mln 357,57 min manat olub. Bunun çoxu (8 mln 252,93 min manat) qısamüddətli aktivlərdir. 

Uzunmüddətli maliyyə öhdəlikləri 7 mln 172,88 min manat, qısamüddətlilər 96,02 min manatdır. 

1 yanvar 2013-cü il üçün Büronun ehtiyatları 4 mln 88,67 min manat olub. 

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var.  

 Hazırda Azərbaycanın sığorta bazarında 12 şirkət İcbari Sığorta Bürosu çərçivəsində xidmət göstərməyə icazə alıb. Bunlar AXA MBASK, AtaSığorta, Atəşgah Sığorta, AzərSığorta, AzSığorta, Xalq Sığorta, Paşa Sığorta, Standard Insurance, Meqa Sığorta, İpək Yolu Sığorta və Azərbaycan Sənaye Sığortadır. 

 Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

   Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

  “İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

 Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər. 

AVSMMİS-lə bağlı qanunda bir qəza üzrə sağlamlığa və həyata görə maksimal ödənişin orta Avropa göstəricisi 50 min manatdır (4 sərnişin və 1 sürücü), bir fiziki şəxsin ziyanı 5 min manat, avtomobilə görə 5 min manat ödənilir. Qanuna görə, AVSMMİS üzrə ödənişdən imtina etmək olmaz. Hətta sərxoş, hadisə yerindən qaçan və qəsdən qəza törədən  sürücünün hərəkəti nəticəsində ziyan çəkən piyada və ya sərnişin, sürücülük vəsiqəsi olmayan (əgər avtomobilin sahibidirsə) sürücülər kompensasiya ala bilər. 

AVSMMİS üzrə yeni sistemi tətbiq edilib. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. --17D—