E.Məmmədyarovun İsrailə səfərinin nə xeyri olacaq?

Azərbaycan XİN rəhbəri Elmar Məmmədyarovun İsrailə rəsmi səfəri hansısa mühüm xarici siyasət vəzifələrinin həllindən daha çox daxili siyasi məqsədlərə xidmət edir. Bu fikri Turan-a müsahibəsində xarici siyasət üzrə keçmiş dövlət müşaviri Vəfa Quluzadə Azərbaycan XİN rəhbərinin ölkə müstəqillik əldə etdikdən sonra İsrailə ilk rəsmi səfərini şərh edərkən bildirib.

Onun fikrincə, prezident seçkiləri ərəfəsində Azərbaycan hakimiyyəti İsrailin dəstəyini və nüfuzıu yəhudi lobbisi vasitəsilə ABŞ və Avropa İttifaqının dəstəyini qazanmaq məqsədinə xidmət edir.

Rəsmi Bakı İsraillə yaxınlaşmanın İranla münasibətlər nöqteyi-nəzərdən mənfi təsirini nəzərə alırmı?

Quluzadənin fikrincə, prezident seçkiləri ərəfəsində İsrailin və Qərbin siyasi dəstəyi İranın bu səfərə reaksiyasından daha üstündür.

Digər tərəfdən, Quluzadə qeyd edib ki, Azərbaycan hakimiyyəti İranın hansısa ciddi problemlər yaratmaq iqtidarında olmadığını düşünüblər.

“Azərbaycanda vəziyyət hakimiyyətin nəzarəti altındadır və bu şəraitdə Tehran Azərbaycana qarşı hər-hansı destruktiv addımlar atmaq iqtidarında deyil”, deyə Quluzadə bildirib.

İslam Əməkdaşlıq Təşkilatının Azərbaycan nazirinin İsrailə səfərinə mümkün mənfi reaksiyasına gəlincə, Quluzadə hesab edir ki, bu qurumun mövqeyi Azərbaycanın beynəlxalq mövqeyi və xüsusən Qarabağ nizamlanması üçün xüsusi əhəmiyyət daşımır.

İsrailə deyil, İrana arxayın olsaydı, Azərbaycan nə əldə edərdi? – sualına cavabda Quluzadə bildirib ki, Azərbaycan Tehranın anti-Qərb və anti-İsrail siyasətinə tamamilə qoşulsa, o, Bakını dəstəkləməyə hazırdır. Bu isə Azərbaycan üçün qəbuledilməzdir.

İsraillə yaxınlaşmanın Azərbaycana nə kimi faydası ola bilər?

Bu sualın cavabında Quluzadə bildirib ki, İsraili ilk növbədə Azərbaycana daha çox nüfuz etməkdən, öz iqtisadi maraqlarını irəlilətməkdən ibarət olan öz mənafeyi maraqlandırır.

Digər tərəfdən, İsrail Qarabağ nizamlanmasına real təsir göstərmək iqtidarında deyil, çünki bu məsələnin həlli ABŞ və Rusiyanın dialoqundan asılıdır.

Quluzadə Azərbaycanın İsraillə yaxınlaşmasının Rusiya tərəfindən mənfi qəbul ediləcəyi fikri ilə razı deyil, belə ki, Bakı Tel-Əvivlə hərbi-texniki əməkdaşlığı genişləndirir.

Quluzadə qeyd edib ki, Rusiya dünyada geniş silah satışı bazarına malikdir və silah alışı sahəsində Azərbaycan-İsrail əməkdaşlığı onun maraqlarına xüsusi zərbə vurmur. -06B-