Azərbaycanın iqtisadi artımı qlobal yavaşlama şəraitdə sabitlik və qeyri-müəyyənliklə qarşılaşır

Uzun illərdir ki, ölkədə orta aylıq əməkhaqqının əhalinin real gəlirlilik səviyyəsini ifadə etmədiyini söyləyirik. Çünki orta aylıq əməkhaqqını şişirdən neft-qaz və dövlət sektorundakı yüksək əməkhaqqının yüksək olması ilə bağlıdır. Belə ki, 2024-cü ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı 2023-cü ilin müvafiq dövrünə nisbətən 8,0 faiz artaraq 996,8 manat təşkil etmişdir. Əməkhaqqı neft-qaz sektorunda 3717 manat, qeyri neft-qaz sektorunda 947 manat təşkil etmişdir.

Resurs dövlətlərinin paradoksal inkişaf trayektoriyası müxtəlif epitetlərlə ifadə olunur. Bununla bağlı çeşidli istilahlardan istifadə olunur: “resurs lənəti”, “iblis ifrazatı”, “qeyri-düzgün inkişaf”, afrika qızdrıması”, “holland sindromu”, “paradoksal bolluğu” və s. Dünyada adambaşına düşüən ÜDM həcminə görə lider ölkə olan Qətər də başqa bir maraqlı ifadədən də istifadə olunur: “neftin uşaqları”.

2024-cü ildə Azərbaycan iqtisadiyyatını yekunlarını xarakteridə edərkən  müşahidə olunan dəyişikliklər arasında ən çox diqqəti cəlb edən və təhlilə ehtiyacı olan xarici ticarət statistikasıdır. Bu yazıda 2024-cü ildə Azərbaycanın xarici əlaqələrinin vəziyyəti,  xarici tiracətinin dinamikası, strukturu və cografiyası təhlil olunur, tendensiyalar dəyərləndirilir, mövcud və perspektiv çağırışlar nəzərdən keçirilərək, onun  qısa və orta müddətli dövrdə təsirlərindən qaynaqlanan devalvasiya gözləntiləri qiymətləndirilir.  Bu kontekstdə retrospektiv təhlil üçün post-COVİD dövrü olan son 3 ildə baş verənlər nəzərdən keçirilir.

Dövlət Statistika Komitəsi (DSK) 2024-cü ilin yanvar-dekabr ayında ölkənin iqtisadi və sosial inkişafının makroiqtisadi göstəricilərini açıqlayıb[1].