Yeni ildən Qiymətli Kağızlar üzrə Dövlət Komitəsi qiymətli kağızların emitentlərinin məlumatlarının elektron açıqlanması sistemi tətbiq ediləcək.
Bu məqsədlə xüsusi elektron sistem tətbiq edilir. Bu barədə kütləvi informasiya vasitələrinin (nümayəndələri üçün növbəti “Açıq qapı günü”ndə məlumat verilib.
Məlumatlarının elektron açıqlanması sistemi qiymətli kağızların emitentlərinin açıqlanmalı olan informasiyalarının yığılması, saxlanması və açıqlanması üçün vahid informasiya resursudur. Onun yaradılması 2015-ci ilin iyulundan qüvvədə olan «Qiymətli kağəzlar bazarı haqqında» qanunda nəzərdə tutulub.
QKDK ictimai əlaqələr sektorunun məlumatına görə, qiymətli kağızları kütləvi təklif edilən və tənzimlənən bazarda ticarətə buraxılan emitentlərin illik və yarımillik hesabatlarının qanunvericiliklə müəyyən olunmuş müddətdə komitəyə təqdim ediləcək, bu informasiya vahid məlumat resursunda, həmçinin Fond Birjasının və emitentin internet səhifəsində açıqlanacaq.
QK emitentlərinin illik və maliyyə hesabatları ümumi yığıncaqda təsdiq ediləndən sonra bir ay ərzində açıqlanmalıdır. Ümumi yığıncaqlar, adətən, 30 iyunadək keçirilir.
Bu ilin 10 ayında 2014-cü il üçün illik hesabatları 1500 emitentdən 478-i təqdim edib. Qeyd edək ki, bu, 2015-ci ildə QKDK-nın ilk və son “Açıq qapı günü”dür. Turan İA orda iştiraka dəvət edilməyib. 08D
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz