Avtonəqliyyat vasitələrinin ehtiyat hissələri təhlükəsizliyi təmin olunmalı məhsulların siyahısına daxil edilib
Nazirlər Kabinetinin 27 noyabr tarixli qərarı ilə avtonəqliyyat vasitələrinin bütün ehtiyat hissələri təhlükəsizliyi təmin olunmalı məhsulların siyahısına daxil edilib. Hökumətin qərarı dekabrın 10-da rəsmi mətbuatda dərc edilib.
Dövlət Standartlaşdırma, Metrologiya və Patent Komitəsindən Turan-a bildirilib ki, bundan sonra ölkəyə idxal edilən, həmçinin istehsal edilən avtonəqliyyat vasitələrinin bütün ehtiyat hissələri yalnız sertifikatlaşdırıldıqdan sonra dövriyyəyə buraxıla bilər. Hazırda onların siyahısı hazırlanır.
Dövlət Standartlaşdırma, Metrologiya və Patent Komitəsi yanında Dövlət Akkreditasiya Xidmətinin akkreditasiya etdiyi 3 sertifikatlaşdırma orqanının avtonəqliyyat vasitələrinin ehtiyat hissələrini sertifikatlaşdırması nəzərdə tutulub. Bunlar “AzeSert” MMC, “Azsertcenter” MMC və “TexnoSert” MMC-dir.
Qeyd edək ki, bu şirkətlər bu il 5-10 manat nizamnamə kapitalı ilə təsis ediliblər.
Təhlükəsizliyi təmin olunmalı malların siyahısı 1993-cü ilin iyununda təsdiqlənib və 1994-cü il yanvarın 1-dən qüvvəyə minib. Bura əsasən insan sağlamlığına birbaşa və dolayısı ilə təsir edən ərzaq məhsulları, həmçinin qeyri-ərzaq məhsulları daxildir.Qeyd edək ki, bu sənəd ictimaiyyətə açıqlanmayıb. 08B
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz