QKDK $5,5 mln. dəyərində müqavilə həyata keçirir

Qiymətli Kağızlar üzrə Dövlət Komitəsi və Koreya birjası arasında kapital bazarlarının informasiya sistemlərinin təchizatı və quraşdırılması və qiymətli bazarlara nəzarət üzrə müqavilə imzalanıb. Bu barədə QKDK-nın məlumatında deyilir.

Bu barədə beynəlxalq tender 20124-cü ilin aprelində Dünya Bankının “Kapital Bazarlarının Müasirləşdirilməsi” layihəsinin “Kapital bazarı infrastrukturunun müasirləşdirilməsi və avtomatlaşdırılması” komponenti çərçivəsində elan edilib.

Müsabiqənin sonuncu mərhələsinə “InfoTech Private Limited” şirkəti də buraxılıb.

QKDK-nın məıumatna görə, QKDK və “Korea Exchange” arasında müqavilənin qiyməti $5 mln. 546 min (ƏDV nəzərə alınmaqla) təşkil edib.

Qeyd edək ki, 2012-ci ildə bu layihə çərçivəsində Britaniyanın "Corporate Solutions" konsultasiya şirkəti də cəlb olunub və onun xidmətləri  6,7 mln. avro həcmində dəyərləndirilib.

2011-ci ilin mayında “2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramı qəbul edilib. Bu sənədin həyata keçirilməsi üçün “Kapital bazarlarının modernləşdirilməsi” layihəsi hazırlanıb və bu il başa çatdırılacaq.

Layihə  $15,8 mln. həcmində dəyərləndirilir və bunun $12 mln.-u DB tərəfindən maliyyələşdirilir. 2013-ci il dekabrın 31-nə olan vəziyyətə görə, onun müxtəlif komponentlərinin reallaşmasına $4 mln. 869 min sərf olunub.  08D