QKDK-da biliklərin idarə edilməsi sisteminin qurulmasına dair seminar keçirilib

29 aprel 2013-cü il tarixində Qiymətli Kağızlar üzrə Dövlət Komitəsində (QKDK) avstriyalı ekspertlərin iştirakı ilə biliklərin idarə edilməsi sisteminin qurulmasına dair seminar keçirilib. 

QKDK ictimaiyyətlə əlaqələr sektorunda Turan-a bildiriblər ki, qiymətli kağızlar bazarının tənzimləyicisinin məqsədi seminarın məqsədi QKDK-da daha zəngin məlumat portalı və bazasının yaradılması, internet əsaslı video təlim mexanizmlərini əhatə edən bilik idarəetmə sisteminin qurulması, əməkdaşların və təşkilatın potensial üstünlüklərinin və çatışmazlıqlarının qiymətləndirilməsi, habelə  bu məlumatlardan səmərəli istifadə edilməsindən  ibarətdir. Seminar Dünya Bankının  “Kapital bazarlarının müasirləşdirilməsi” layihəsi çərçivəsində təşkil olunub. 

Qeyd edək ki, QKDK-nın internet səhifəsi (www.scs.gov.az) yetərincə informativdir. Orda QK bazarının normativ-hüquqi bazası, bazarın statistikası və infrastrukturu barədə informasiya, elektron xidmət bölməsi və s var. Bəzi nöqsanlar da var. Məsələn, QKDK qeydiyyatdan keçmiş stimullaşdırıcı lotereyalar barədə məlumat vermir, «Lotereyalar haqqında» qanunun pozulması barədə informasiya verir. «Qiymətli kağızlar bazarında investorların hüquqlarının müdafiəsi haqqında” qanuna zidd olaraq, investorların hüquqlarını pozanlar barədə məlumat verilmir. Həmçinin qiymətli kağızlar buraxılışının reyestri və onda olan  dəyişikliklər barədə məlumatlar açıqlanmır. 08D