Milli Məclisin bugünki iclası əsasən Avropa Parlamenti deputatlarının Azərbaycanın işğal edilmiş ərazilərinə qanunsuz səfərinə həsr olunmuşdu.
Əvvəlcə deputat Vahid Əhmədov vətəndaşların 90%-nin kommersiya banklarına borclu olması ilə əlaqədar narahatlığını bildirib. O, parlamentin bu vəziyyətə müdaxilə etməsini zəruri sayır. Lakin spiker Oqtay Əsədov dərhal müzakirələri beynəlxalq müstəviyə keçirərək, bütün Azərbaycanlıları Avropa Parlamentinin deputatları Edvard Stadleri (Avstriya), Kiriakos Triantafilidesi, Eleni Teoxarusu (kipr), habelə Fransa Parlamentinin üzvləri Valeri Buae və Gi Tessyeni pisləməyə çağırıb. Bununla belə, Belçikalı professor Bernar Kuli də onlarla olub.
Bundan sonra deputatlar hamılıqla “ikili standartları, islamofobiyanı və avropalıların antitürk əhval-ruhiyyəsini” pisləməyə başlayıblar, vitse-spiker Bahar Muradova isə bildirib ki, “onlarla elə onların dilində danışmağın və adekvat addımlar atmağın vaxtı çatıb”.
Deputatlar “Avropa deputatlarının BMT Baş Assambleyasının işğalı pisləyən və işğal edilmiş ərazilərdən qoşunların çıxarılmasını tələb edən dörd qətnaməsinin tələblərini pozması” ilə əlaqədar Avropa Parlamentinin sədri Martin Şultsa müraciət göndərmək xahişi ilə spikerə müraciət ediblər.
Milli Məclisin üzvlərinin fikrincə, “özəl səfərlər” Avropa deputatlarının “Dağlıq Qarabağ ətrafında vəziyyətin sabitliyini pozmaq” cəhdlərinin bərəati ola bilməz.
Deputatlar Azərbaycan XİN-in Azərbaycanın işğal edilmiş ərazilərinə qanunsuz səfər edən əcnəbiləri “persona non-grat” elan etmək təcrübəsini dəstəkləyiblər.
Spiker Oqtay Əsədovun fikrincə, xalqların öz müqəddəratını həll etmək hüququna dəstək ifadə edən Kipr deputatlarının mövqeyi daha çox töhmətə layiqdir. “Belə çıxır ki, Avropa Parlamentinin bu nümayəndələri ərazi bütövlüyü və sərhədlərin toxunulmazlığı prinsiplərini şübhə altına qoyaraq, xaos arzu edirlər”, deyə o qeyd edib.
Onun sözlərinə görə, Fransa Parlamentində Dağlıq Qarabağla dostluq qrupu yaradılmasını qanunaziddir. “İşğal edilmiş ərazilərə səfər zamanı deputat Valeru Buae bildirib ki, “biz bu dövlətin tanınmasını və burada məskunlaşan xalq üçün müstəqil həyat şərtlərinin yaradılmasının təmin edilməsini qarşımıza vəzifə olaraq qoyuruq””.
“Qarabağ münaqişəsinin həllində arbitr rolunu oynayan ölkənin rəsmi nümayəndəsindən bunu eşitmək qəribədir. Axı bu, Dağlıq Qarabağın separatçı rejiminə açıq-aşkar dəstəkdir”, deyə Əsədov bildirib. -17D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz