18 aprel 2013-cü il tarixində Qiymətli Kağızlar üzrə Dövlət Komitəsində (QKDK) kütləvi informasiya vasitələrinin nümayəndələri üçün “Açıq qapı günü” təşkil edilib. Tədbirdə məqsəd müxtəlif növ qiymətli kağızların qeydiyyatının aparılması, qiymətli kağızların və onlar üzərində hüquqların qeydiyyatı və uçotu, emitentlərin illik hesabatlarının qəbulu və təhlili istiqamətində görülən işlərlə tanışlıqdan ibarətdir.
Tədbir prezidentin 05 sentyabr 2012-ci il tarixli sərəncamı ilə təsdiq edilmiş “Açıq Hökumət: 2012-2015-ci illər üçün Milli Fəaliyyət Planı” çərçivəsində həyata keçirilir.
QKDK aparatının rəhbəri Bəxtiyar Əzizov qurumun strukturu və vəzifələri, bazarın vəziyyəti barədə danışıb. Onun sözlərinə görə, son 5 ildə ölkədə QK bazarının həcmi 70% artıb. 2012-ci ildə QK bazarının ÜDM-də xüsusi çəkisi 17,5% olub. Bu il QK bazarının başqa aspektləri üzrə də KİV təmsilçiləri ilə görüş planlaşdırılır.
QKDK qiymətli kağızların buraxılışı və qeydiyyatı şöbəsinin müdiri Elnur Allahverdiyev müxtəlif qiymətli kağızların qeydiyyatı, QK-da uçot və hüquqların qeydiyyatı, emitentlərin hesabatlarının qəbulu və analizi barədə təqdimat keçirib. Onun sözlərinə görə, 2012-ci ildə komitədə 86 emissiya üzrə 2 mlrd manat məbləğində səhm emissiyası, $510 mln və 176 mln manatlıq korporativ istiqraz qeydiyyata alınıb. QK buraxılışının açıq dövlət reyestrinin yaradılması üzrə iş aparılır.
2012-ci ildən QKDK elektron xidmətlərə başlayıb. Ondan hələ bazarın peşəkar iştirakçıları istifadə edir. QK emitentləri hələ hesabatları kağız formatında verir.
Allahverdiyevin sözlərinə görə, Azərbaycanda səhmlər populyar girov növü deyil. Banklar onlara likvid alət kimi baxmır. Banklar əsasən girov kimi mənzil sertifikatlarını qəbul edir.
QKDK təmsilçisi deyib ki, korporativ idarəetmənin yaxşılaşdırılması və SC-lər arasında kapital bazarının inkişafı üzrə məlumatlandırma kampaniyası aparır. Növbəti görüş mayda Qubada keçiriləcək. Tədbirə ölkənin 5 şimal rayonunda fəaliyyətdə olan SC təmsliçiləri dəvət ediləcək. 08C
İqtisadiyyat
-
Azərbaycanda fermerlər arpa, buğda, düyü və qarğıdalı məhsullarını 10 hektardan çox ərazidə yetişdirdikləri halda kənd təsərrüfatı subsidiyalarına uyğun olmaq üçün sığortalamalıdırlar. Bu barədə hökumət rəsmisi yenilənmiş subsidiya dərəcələrinə dair keçirilən son brifinqdə məlumat verib.
-
Pakistanın təxminən 400 milyard kubmetr həcmində qaz ehtiyatları və illik 30 milyard kubmetr qaz hasilatı bu sıx məskunlaşmış ölkədə "mavi yanacaq" çatışmazlığını həll etmək üçün kifayət deyil. Buna görə də, hökumət ölkənin qaz tələbatını ödəməyi strateji prioritet kimi müəyyən edib.
-
Azərbaycanın qonaqpərvərlik sektoru 2024-cü ildə əhəmiyyətli artım nümayiş etdirib. Rəsmi məlumatlara görə, otellərdə və oxşar müəssisələrdə gecələmələrin sayı illik müqayisədə 25,1% artaraq 4,28 milyona çatıb. Bu güclü bərpa həm daxili, həm də beynəlxalq turistlər üçün sektorun artan cəlbediciliyini vurğulayır. Bu artıma infrastrukturun yaxşılaşdırılması və turizm təkliflərinin müxtəlifləşdirilməsi dəstək olub.
-
Azərbaycanın Aqrar Subsidiya Şurası intensiv bağların yaradılması üçün yeni tələblər müəyyən edib, bunlara iqlim stansiyalarının quraşdırılması da daxildir. Bu barədə Kənd Təsərrüfatı Nazirliyinin mətbuat xidmətinin rəhbəri Vüqar Hüseynov məlumat verib.
Rəy yaz