Bu gün Yasamal rayon məhkəməsi keçmiş “vicdan məhbusu” Vidadi İsgəndərlini polisə itaət etməmək ittihamı ilə 10 gün müddətinə həbs edib.
Vəkil Anar Qasımlının Turan-a verdiyi məlumata görə, İsgəndərli polisin post-patrul xidmətinin işinə müdaxilədə, dövlət əleyhinə şüarlar səsləndirməkdə və vətəndaşları mitinqlərdə iştiraka çağırmaqda ittiham olunub.
İsgəndərli təqsirsiz olduğunu bildirib və apellyasiya şikayəti vermək niyyətindədir.
Hüquq müdafiəçisinin qardaşı Oqtay İsgəndərli bildirib ki, həbsin səbəbi hüquq müdafiəçisinin polis əməkdaşlarına yol keçmə qaydalarını pozan vətəndaşları seçərək cərimələdiklərini irad tutması olub.
“Polis əməkdaşları cərimə ödəmək üçün pulu olmayan iki tələbə qızı cərimələdi. Eyni zamanda bir çox digər pozucular polisin “gözündən qaçırdı””, deyə O.İsgəndərli bildirib. -16B06-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz