![Məhkəmə ilahiyyatçı Taleh Bağırzadənin şikayətini təmin etmədi](https://turan.az/resized/media/2013/main/041800035185-750-500-resize.webp)
Məhkəmə ilahiyyatçı Taleh Bağırzadənin şikayətini təmin etmədi
Aprelin 18-də Bakının Nəsimi rayon məhkəməsində Məzahir Sadıqovun sədrliyi ilə ilahiyyatçı Taleh Bağırzadənin (Bağırovun) qanunsuz olaraq DİN-in Mütəşəkkil Cinayətkarlığa qarşı Mübarizə Baş İdarəsində (MCMBİ) saxlanması ilə bağlı şikayətinə baxılıb.
Vəkil Cavad Cavadlının Turan-a verdiyi məlumata görə, Bağırzadə özü məhkəməyə gətirilməyib. Müdafiə tərəfi Bağırzadənin prosesdə iştirakı barədə vəsatət qaldırıb. Lakin hakim vəsatəti təmin etməyib.
Şikayətə baxılması zamanı müdafiə tərəfi bildirib ki, Bağırzadə 12 gün qanunsuz olaraq MCMBİ-də saxlanılıb, ona gəzinti, doğmaları ilə görüş, telefon danışıqları üçün imkan verilməyib. Eyni zamanda, məhkəməyə Bağırzadənin aprelin 13-də istintaq təcridxanasına köçürüldüyü barədə yalan məktub göndərilib. Lakin şikayət verilərkən Bağırzadə hələ MCMBİ-də idi.
Müdafiə tərəfi məhkəməni Bağırzadənin hüquqlarının pozulduğunu qəbul etməyə və təqsirkarları cəzalandırmağa çağırıb.
Lakin məhkəmə şikayəti təmin etməyib. Bu qərardan üç gün ərzində apellyasiya şikayəti veriləcək, deyə vəkil bildirib.
Cavadlı həmçinin qeyd edib ki, ilk gündən istintaq işgəncələrə əl ataraq və təqsirsizlik prezumpsiyasını pozaraq, Bağırzadənin hüquqlarını kobud şəkildə pozub.
Müdafiə tərəfi Avropa İnsan Hüquqları Məhkəməsinə şikayət vermək üçün bütün materialları toplayacaq.
“Biz Azərbaycan məhkəmələrinin obyektiv qərar qəbul edəcəyinə inanmırıq. Lakin biz AİHM-də Bağırzadənin hüquqlarının bərpasına nail olmaq üçün bütün zəruri hüquqi prosedurlara riayət edirik”, deyə vəkil bildirib.
* Taleh Bağırzadə və Anar Məlikov (ilahiyyatçının sürücüsü) martın 31-də saxlanılıb. Onlar heroin və silah saxlamaqda ittiham olunublar. Lakin həbsin əsl səbəbi Bağırzadənin hökumətin ünvanına səsləndirdiyi tənqidi olub. -06C-
-
- İqtisadiyyat
- 18 Aprel 2013 17:45
-
- Siyasət
- 18 Aprel 2013 20:10
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz