QKDK investorların hüquqlarının qorunması üzrə qanunvericiliyi pozur

Bu gün iki səhmdar cəmiyyətində kiçik səhm paketi sahibi mətbuat konfransı keçirib və investorların hüquqlarının qorumalı olan dövlət strukturunu bu sahədə qanunvericilik aktlarını pozmaqda ittiham edib. 

Səhmdar Hafiz Babalı deyib ki, “Qəbələ Quşçuluq” ASC-nin rəhbərliyi qanunvericilikdə nəzərdə tutulan sənədləri ona verməkdən imtina edib. O, dəfələrlə bu barədə Qiymətli Kağızlar üzrə Dövlət Komitəsinə müraciət edib. Uzun yanaşmalardan sonra SC-nin İH sədri yox, hüquqi şəxs cəzalandırılıb. “Qəbələ Quşçuluq” ASC-yə qarşı 324.2 maddəsi ilə (nəzarət fəaliyyəti üçün zəruri sənədlərin verilməsindən imtina edilməsi) 1500 manat inzibati sanksiya tətbiq edilib. «Araşdırma zamanı müəyyən edilib ki, SC-nin icra orqanı qəsdən hüquqlarımı pozub, ona görə İnzibati Xətalar Məcəlləsinin 16-cı maddəsinə əsasən,  vəzifəli şəxs öz qulluq vəzifələrinin yerinə yetirilməməsinə görə inzibati məsuliyyətə cəlb olunmalıdır», deyə Babalı bildirib. İXM-nin 220-ci maddəsinə əsasən, vəzifəli şəxs 600-700 manat cərimə edilməlidir. 

Səhmdar bildirir ki, QKDK qəsdən qanunvericiliyin tələblərini pozur. «Qiymətli kağızlar bazarında investorların hüquqlarının müdafiə edilməsi haqqında» qanunun 7.1 maddəsinə əsasən, cərimələrin məbləğinin 10%-i QKDK-ya çatır. Ona görə bu orqan bilərəkdən yüksək inzibari cərimə təyin edir, bu isə qanunvericiliyə ziddir», - deyə Babalı hesab edir. 

Babalıya görə, QKDK səhmdarların hüquqları üzrə qanunvericiliyi özünəməxsus şərh edir. «Müəyyən qanunvericilik sənədlərini almaq üçün “Bakelektroqaynaq” ASC-yə müraciət etdim. Uzun yazışmalardan sonra SC-nin İH sədri Süleyman Məmmədov «ram oldu» və qanundan yan keçmək yolunu tapdı: tələb etdi ki, sənədin dalınca özüm gəlim». QKDK-nın hüquq şöbəsində hesab edirlər ki, həm də “Baku Steel Company” MMC-nin (Bakelektroqaynaq” ASC-nin aktivlərinin icarəçisi) baş direktoru olan Məmmədovun hərəkəti qanuna zidd deyil. «QKDK-da mənə deyirlər ki, SC-də sənə sənəd verməkdən imtina etmirlər. Belə çıxır ki, sənədi əldə etmək üçün həm vaxt, həm əsəb xərcləməliyəm. Normal ölkələrdə bu sənədlər səhmdarlara müraciət olmadan göndərilir», deyə Babalı qeyd edib. O, hesab edir ki, “Bakelektroqaynaq” ilə bağlı QKDK rəhbərliyi hətta hüquqi şəxsə cərimə təyin etməyə risk etməyib. Çünki şirkətin arxasında nüfuzlu şəxslər durur. «QKDK-da səsini heç kəsin eşitməyəcəyi minoritarın xətrinə onlarla nifaqa girmək istəmədilər», deyə səhmdar H.Babalı qeyd edib. 0C