«Sənaye ili»ndə emal sənayesində azalma (YENİLƏNİB)

2014 Fevral 19 (Çərşənbə) 15:35:13

Bu ilin yanvarında Azərbaycanda emal sektorunda istehsal həcmi 1,7% azalıb. Amma qeyri-neft emal müəssisələrində 13,3% artım olub, deyə Dövlətstatkom bildirir. 

Ötən ay emal müəssisələrində istehsal həcmi 542,5 mln manat olub. Bunun 210,3 mln manatı ərzaq malları istehsalının payına düşür. Ərzaq malları istehsalı 0,8% artıb. 

Emal sənayesində mal istehsalı tempi neft məhsullarının istehsalında azalma ilə bağlı 11,7% düşüb. Yanvarda emal malları strukturunda neft məhsullarının xüsusi çəkisi 31,4% (170,4 mln manat) təşkil edib.

Maşın və avadanlıq istehsalı həcmi (32,2 mln manat) 2 dəfə artıb. Metallurgiya sənayesində (30,7 mln manat) 45% artım olub. 31,7 min ton metal (+3,3 dəfə), 27,4 min ton armatur (+22.7%) istehsal olunub. 

Yanvarda içki istehsalı (7 mln manat və ya mənfi 23,9%), rezin və plastmass məmulatı (4,5 mln manat, - 43,8%), автомобилей и прицепов (0,5 mln manat, - 81%), dəri, dəri məmulatı və ayaqqabı (523 min manat, - 70%), kağız və karton (743 min manat, - 60%), elektrik avadanlığı (3,5 mln manat, - 28,6%) istehsalı azalıb. 

Göründüyü kimi, emal sənayesi çox da inkişaf etməyib. Neft məhsulları istisna o, sənaye məhsulunun 13%-i verir. Hökumət bu ili «sənaye ili» elan edib, Bakı, Sumqayıt, Gəncə və Mingəçevirdə sənaye və texnologiya parkını inkişaf etdirməyi planlaşdırıb.. 

Maraqlıdır ki, 2009-cu ildən fəaliyyət göstərən Sumqayıt texnologiya parkı (STP) ölkənin sənayesinə az şey verib. Istənilən halda bu illərdə sənayedə sıçrayış müşahidə edilməyib. 08B