Dövlətstatkom 2012-ci il üzrə reklam şirkətlərinin maliyyə fəaliyyətlərinin nəticələrini açıqlayıb. Fiziki və hüquqi şəxslər ölkədə reklama 48,4 mln manat xərcləyib. Bu, 2011-ci ilin göstəricisindən 24,1% çoxdur.
Son 7 ildə reklam şirkətləri üçün «ölü» il 2009-cu il olub. O vaxt gəlirlər 20,5 mln manata düşüb. 2006-cu ildə bu göstərici 34 650 min manat idi.
Dövlətstatkomun məlumatına görə, ötən il gəlirlərin çoxu reklam yaradılması və yerləşdirilməsindən olub – 28 mln manat (+8%). Yer icarəsi, satışı və vaxt satışından gəlirlər 12,4 mln, reklam materiallarının paylanması və çatdırılmasından 4,4 mln manat təşkil edib.
Reklam şirkətlərinin xərcləri də az deyil. Ötən il onlar 45 260 min manat xərcləyib. Bu, 2011-ci ildən 20,8% çoxdur.
Reklam məhsulunun həcmi artsa da, bazarda aktivlik azalıb. 2006-cı ildə reklam şirkətləri fiziki və hüquqi şəxslərlə 3 162 müqavilə bağlayıb. 2012-ci ildə bu göstərici 2 132-yə (- 32,6%) düşüb. 2011-ci il ilə müqayisədə müqavilə sayı 3,1% azalıb.
Bazarın analizi göstərir ki, reklam verənlər elektron KİV və internet saytlara üstünlük verir. Çap KİV-nin payı azdır. Son 2-3 ildə nəqliyyatda reklam aktivləşib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz