Bakı/25.09.17/Turan: Böhranlı 2016-cı ildə reklam şirkətlərinin gəlirləri azalıb. Bununla belə, böhran bazarda rəqabətin artmasına təkan verib. Reklam xidmətlərinin göstərilməsi üzrə müqavilələrin sayının 10% artması bundan xəbər verir.
Dövlət Statistika Komitəsinin məlumatına göə, ötən il 6 245 reklam müqaviləsi bağlanıb. Bu, son 10 ildə ən yüksək göstəricidir. Bağlanılan müqavilələr üzrə ümumi məbləğ 37 mln. manat təşkil edib ki, bu da 2015-ci ildə olduğundan 28,3% azdır.
Azərbaycanda reklam agentliklərinin gəlirləri 2013-cü ildə yüksək həddə çatıb - 2 min 330 müqavilə üzrə 66,3 mln. manat.
Düzdür, o zaman dünya birjalarında neftin orta illik qiyməti bir barelə görə $108,7 təşkil edib ki, bu da indi olduğundan iki dəfə çoxdur.
Qeyd edək ki, Azərbaycanda reklam dövriyyəsi ilə bağlı rəsmi məlumatlarla yanaşı, qeyri-rəsmi məlumatlar da var. Azərbaycan Reklamçılar Assosiasiyasının məlumatına görə, 2015-ci ildə reklam fəaliyyətinin dövriyyəsi təxminən 350-500 mln. manat təşkil edib. Bu, Dövlət Statistika Komitəsinin şirkətlərin və KİV-lərin təqdim etdikləri maliyyə hesabatlarına əsasən açıqladığı göstəricilərdən xeyli çoxdur. Həmin hesabatlara görə, 2015-ci ildə Azərbaycanda reklam fəaliyyətindən daxil olan gəlirlər 62 mln. manatdan bir qədər çox olub.08B
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz